Page 46 - Тыыннаахтар олох олорор аналлаахатр

Биһиги ыал, аҕабыт А.Г.Сивцев 1976 сыллаахха эмискэ
суорума суолламмыта. Онон мин 6 оҕолоох аҥаардас хаалан
оҕолорбун соҕотоҕун сүһүөхтэригэр туруорбутум. Оччолор-
го соҕотох үлэһиккэ үп-харчы кырыымчык буолан ыарахат-
тардаах этэ.
Эбээбит Мааппа наар кыыһыгар Мария Гаврильевнаҕа
күүс-көмө буолан олорбута. Мария 5 оҕолоох, колхуоска
да, сопхуоска да үрдүк көрдөрүүлээх, оройуоҥҥа биллэр
ыанньыксыт этэ. Эбээбит Маайа оҕолорун бэйэтэ аһатан-
сиэтэн улаатыннартаабыта, ону таһынан кэтэх хаһаайыстыба
сүөһүтүн бэйэтэ көрөрө. Өскө наада буоллаҕына, атын сиэн-
нэрин, ол иһигэр мин оҕолорбун эмиэ хоннорон, көрөн-
истэн оскуолаҕа атаартыыра. Эбээ Мааппа аһа куруук бэлэм
буолара. Эбээбит 100 сааһыгар диэри бурдук аһы, булочка-
тыгар тиийэ астыыра. Онтон кини алаадьытын сиэбэтэх оҕо
Чэриктэйгэ, бука, аҕыйах буолуо. Сиэттэрэ бултаан аҕалбыт
кустарын, балыктарын бэйэтэ астыыра. Эбээбит сайын аайы
Чэриктэйигэр тахсар, 105 сааһыгар диэри аһаабыт иһити,
үүт астыыр сэппэрээтэри сууйан-сотон миэстэлэригэр уура-
ра. Эбээ Мааппа 106 сааһыгар тиэргэнин отун бэйэтэ мун-
ньан, биир улахан бугул оҥорон кэбиспитэ. Оннук киһи
сөҕөр иҥиирдээх, сүһүөхтээх кырдьаҕаһа, эбээбит Марфа
Васильевна билигин да чэгиэн-чэбдик. Оҕолоро, сиэннэрэ
кинини батан удьуор үлэһит дьоннор...
Эбээ Мааппа сытыары-сымнаҕас киһи. Кини биирдэ да
оҕону мөҕөрүн, дьону ордугургуурун, сэмэлиирин истибэтэ-
ҕим. Оҕолору, ким да оҕото буоллун: «Ии, барахсаттар» диэн
ымманыйа ааттыыра. Ол курдук оҕолору наһаа таптыыра,
кинилэри көрдөҕүнэ, олус үөрэрэ-көтөрө.
Мин киниэхэ кийиит буолан кэлбитим кэннэ, 1964 сыл-
лаахха эбээ Мааппа 63 сааһыгар аан бастаан миигин кытта
Дьокуускай куораты көрө киирсибитэ. Борохуотунан айан-
наабыппыт, эбээ Мааппа онно олох дук-дах туттубакка
өрүү борохуотунан айанныы сылдьыбыт киһи курдук, мин
кэннибиттэн саппай уопсан иһэрэ. Кини оччолортон тутта-
хапта сылдьара ырааһа, чэбэрэ бэйэҥ тэҥнээҕиҥ курдук са-
ныыгын. Эбээ Мааппа аҕыйах саҥалаах да буоллар, киһини
бэйэтигэр тардар айылгылаах киһи.
Мин 1936 сыллаахха төрөөбүппүн, ийэм 2 саастаахпар
өлбүт. Онон төрөппүт ийэ таптала диэни билбэккэ улаап-
пыт киһи, кийиит буолан кэлээт, Мааппа эбээни сөбүлээн:
«Маннык ийэлээҕим буоллар» дии санаабытым билигин да