Page 42 - Тыыннаахтар олох олорор аналлаахатр
P. 42
оройуон кииниттэн сылдьар Гаврил Рожин диэн боломуо-
чунай: «Аҕаҕытын, уолгутун ирдэһиэм», — диэн ылбыт, ол
айыыта онон, суруктар эмиэ сүппүттэр.
Мин, Саха сириттэн сэриигэ баран өлбүт уонна сураҕа
суох сүппүт буойуннар ааттара суруллубут «Өйдөбүнньүк»
(«Память») кинигэ үс томун сирийэн көрдүм. Кинигэ 2-с
томугар кини курдук ааттаах киһи 757 нүөмэринэн киирэ
сылдьар. Кини 1924 сыллаахха Уус Алдан оройуонугар Тэ-
биик нэһилиэгэр төрөөбүт. Буойун Дьокуускайдааҕы хол-
боһуктаах райвоенкоматынан ыҥырыллыбыт. Сэриигэ сыл-
дьан 1944 сыллаахха өлбүт, ханна көмүллүбүтэ биллибэт.
Онтон кинигэ 3 томугар эбии испииһэккэ киирбит, 172
нүөмэринэн суруллубут Г.П.Сивцев 1919 сыллаахха төрөө-
бүт, Кэбээйи оройуонун Сииттэ нэһилиэгин киһитэ, 1942
сыллаахха эмиэ Дьокуускайдааҕы военкоматынан аармы-
йаҕа ыҥырыллыбыт. Онон бу икки буойунтан Марфа Ва-
сильевна кэргэнэ буолбатахтара дакаастанар курдук. Тоҕо
диэтэххэ, Гаврил Петрович кэргэниттэн тоҕус сыл балыс
буоллаҕына, 1910 сыллаахха төрөөбүт буолуон сөп этэ. Ити
эрээри бастакынан ааттаммыт Г.П.Сивцев эмиэ Тэбиик
киһитэ буоларынан, Марфа Васильевна кэргэнэ буолуон да
сөп. Арай төрөөбүт сылын сыыһа суруйбуттара буолуо дуо...
Огтон бу атын киһи буоллаҕына, Марфа Васильевна кэргэ-
нэ Г.П.Сивцев «Өйдөбүнньүк» кинигэ хайа да томугар тоҕо
суоҕуй диэн ыйытык үөскүүр...
Мааппа кэргэнэ Хабырыыс сэриигэ барыаҕыттан кэргэ-
нин аҕатынаан, Бүөтүр оҕонньордуун эҥээрдэһэн бииргэ
олорбуттара. Ийэлэрэ Матырыана, төрүкү ыарыһах дьахтар
сэрии сылларыгар өлөөхтөөбүт. Мааппаҕа, түөрт кыра оҕону
көрө-көрө колхуос үлэтигэр түбүгүрэрэ, кырдьык, ыарахан
эбитэ буолуо. Хата, эһэлэрэ Бүөтүр оҕонньор, төһө да кэр-
гэнин, соҕотох уолун Хабырыыһы сүтэрэн аһыыга да ылла-
ра сырыттар, сиэннэрин көрсөн, балыктаан, бултаан аһатан
дьон буолалларыгар төһүү күүс буолбута. Бүөтүр оҕонньор
барахсан уола кэлэригэр эрэллээх, кэтэһэ сытан 1951 сыл-
лаахха бу орто дойду олоҕуттан арахсаахтаабыта...
Сэрии кэнниттэн сыыйа да буоллар олох көнөн барбыта.
Кэлиҥҥи сылларга сэрии кыттыылаахтарыгар, сэрии хонуу-
тугар охтубут буойуннар огдооболоругар араас чэпчэтиилэр,
эбии пенсиялар көрүллэр буолбуттара. Дьэ, ол иһин Мария
Гаврильевна ийэтигэр эбии пенсия оҥортороору гыммытын,
кэргэнэ С.С.Попов: «Биир эмээхсини бэйэбитда иитиэхпит.
