Page 44 - Тыыннаахтар олох олорор аналлаахатр

ырыаҕа ылламмыт Чэриктэй хатыҥ чараҥын ортотунан, ыл-
лык суолунан күнү утары хаама турдум...

2000 сыл, ахсынньы ый. Чэриктэй — Бороҕон

Ийэҕэ, эбээҕэ истиҥ, иһирэх тыллар

Орто Дойдуга кэлбит Киһи үйэтэ уһаан — оҕо, сиэн, хос
сиэн, хос-хос сиэн тапталын биллэҕинэ, ама, мантан ор-
дук туох дьоло баар буолуой... Мин эбээ Мааппаны көр-
сүөхпүттэн 10 сыл ааһа оҕуста. Ол көрсүһүү кэнниттэн
кинини көрбөтөрбүн да, чэгиэнник-чэбдиктик туттан, Дьо-
куускайга сиэнигэр этэҥҥэ олорорун истэ сылдьабын.
М.В.Сивцева Улуу Кыайыы 65 сыллаах өрөгөйдөөх үбү-
лүөйүн көрсө 109 сааһын туолаары олорор. Бу Ытык саа-
һыгар сылдьар Марфа Васильевна билигин да бэйэтин
көрүнэр чэнчис киһи. Арай кырдьыы сиэринэн, истэрэ мөл-
төөбүт. Кинини элбэх ахсааннаах сиэннэриттэн биирдэстэрэ
Попова-Колесова Альбина Семеновна корон-истэн олорор.
Уоттаах сэрии буойунун огдообото дьон буолбут 4 оҕо-
туттан, кийииттиин, күтүөттүүн ууһаан-тэнийэн биир кыра
тэлгэһэҕэ баппат буола элбээтилэр. Кинилэр ийэлэрин, эбэ-
лэрин туһунан бары истиҥ-иһирэх өйдөбүллээхтэр. Били-
гин билсиҥ кинилэр иһирэх ахтыыларын.
(Ахтыылар хатылаһар өрүттэрэ кылгатылынна. У.Б.)

* * *
Биһиги аҕабыт Сивцев Семен Гаврильевич, аҕата Сив-
цев Гаврил Петрович сэриигэ барарыгар 1941 сыл, атырдьах
ыйыгар оруобуна 11 сааһын томтойо туолбут. Онон сэрии
сылларыгар ыал улахан оҕото ийэтигэр төһүү күүс буолан,
дьиэ иһинэн-таһынан араас үлэни барытын үлэлээбит. Аҕа-
та суох тулаайах хаалбыт уол 4 кылаас үорэҕинэн уурайан,
оскуола аанын бүтэһиктээхтик сабан колхуос хара үлэһити-
нэн сылдьан борбуйун көтөхпүт.
Сивцев Семен Гаврильевич кэлин «Дүпсүн» сопхуоска
бостуугунан, сүөһү көрөөччүнэн, кочегарынан үлэлээн пен-
сияҕа тахсыбыта. Боростуой колхуостаах, оробуочай оччо-
тооҕу таһаарыылаах үлэтин туоһулуур «Бочуотунай грамота-
лар», «Махтал суруктар» элбэхтэр...
Семен Гаврильевич 1968 сыллаахха олоҕун аргыһын Ан-