Page 16 - Афанасий Алексеев Ытык иэс

8. Аржаков Иван Степанович 1915 сыллаахха Бээрийэ нэһи-
лиэгэр «Аларга» төрөөбүтэ. Сырдык соҕус хааннаах, мөчөкө сирэй-
дээх, орто уҥуохтаах кытыгырас киһи этэ. «Хаттыгыга» олорбута.
Колхозка кадровай булчут, сайынын хонуу үлэһитэ этэ. Үөрэҕэ суо-
ҕа. 1941 сыллаахха атырдьах ыйын 8 күнүгэр Чурапчы военкома-
тынан ыҥырыллан, Хаттыгы «Хорбутуттан» армияҕа барбыта. Ар-
мияҕа барарыгар кэргэнэ Аржакова Анна Николаевна кыыһыныын
Мотялыын хаалбыттара. Званиета — рядовой. 1942 сыллаахха Мос-
ква анныгар сэриигэ өлбүтэ. Ханна көмүллүбүтэ биллибэт.

9. Афанасьев Василий Алексеевич 1921 сыллаахха Кылаайыга
«Дьөгүөссэ өтөҕөр» төрөөбүтэ. Төрөппүттэригэр соҕотох уол этэ.
Орто уҥуохтаах, маадьаҕар атахтаах, бэйэтигэр сөп эттээх-сииннээх,
кэтит сабыстыҥы сүүстээх, уҥуох сирэйдээх, саҥалаах-иҥэлээх ки-
һи этэ. Ыһыахтарга атах оонньуутугар кыттара. Түүлээх оскуола-
тын түөрт кылааһын бүтэрбитэ. Сытыы-хотуу, хонуу үчүгэй үлэһитэ.
Комсомоллаах этэ. Кэргэннэммэтэҕэ. 1942 сыллаахха бэс ыйын 27
күнүгэр Чурапчы военкоматынан армияҕа ыҥырыллыбыта. Биир
дойдулааҕа Бочкарев Михаил Васильевич бааһыран, сэрииттэн төн-
нөн иһэн, армияҕа баран иһэрин Иркутскай куоракка көрсүбүтэ.
Званиета — рядовой. Сэриигэ сураҕа суох сүппүтэ.

10. Афанасьев Дмитрий Егорович 1897 сыллаахха Кылаайыга
«Дьөгүөссэ өтөҕөр» төрөөбүтэ. Орто уҥуохтаах. сырдык хааннаах,
суптугурдуҥу сэҥийэлээх, үрдүк муруннаах, турбут-олорбут, хам-
саммыт-имсэммит сытыы киһи этэ. Халлаан суруксута. «Ситимнэ-
һии» колхозка кадровай булчутунан сылдьыбыта. Дьааҥы дьаамын
сүүрдүспүтэ. 1935—1937 сс. «Ситимнэһии» колхозка председатели-
нэн үлэлээбитэ. Оройуоҥҥа курсу үөрэнэн бүтэрбитэ. 1939—1940
сс. хонууга биригэдьиирдээбитэ. Үлэ удаарынньыга. 1942 сыллаах-
ха бэс ыйын 27 күнүгэр Чурапчы военкоматынан армияҕа ыҥырыл-
лан, «Атах өтөҕүттэн» барбыта. Армияҕа барарыгар кэргэнэ Афа-
14