Page 13 - Афанасий Алексеев Ытык иэс

таҕа дизентериялаан олорорун көрсүбүтэ.
Алексеев Николай Петрович 1944 сыллаахха ыам ыйын 25
күнүгэр Смоленскай уобалас Сычевка куоратыгар өлбүтэ.

3. Алексеев Петр Петрович 1913 сыллаахха Кылаайыга «Ар-
ҕаа төбөҕө» төрөөбүтэ. Сөп орто уҥуохтааҕа, куудара баттахтааҕа,
уһун соҕус хаптаҕай кэтит сирэйдээҕэ, хара бараан дьүһүннээҕэ.
Түүлээх биэс кылаастаах оскуолатын бүтэрбитэ. Сэриигэ барыан
иннинэ Тандаҕа атыылааччылаабыта. Кэргэннэммэтэҕэ. 1941 сыл-
лаахха атырдьах ыйын 15 күнүгэр Чурапчы военкоматынан армияҕа
ыҥырыллан, төрөөбүт өтөҕүттэн «Арҕаа төбөттөн» Кылаайыттан
барбыта. 1941 сыллаахха сэтинньигэ сборга сылдьыбыта. Званиета
— гвардия рядовойа. 43-с армия 21-с гвардейскай сд. 69-с гвардей-
скай сп. сэриилэспитэ. 1942 сыллаахха муус устар 2 күнүгэр Смо-
ленскай уобалас Сычевскай оройуонун Холминка дэриэбинэтигэр
сэриигэ өлбүтэ.

4. Алексеев Прокопий Петрович 1899 сыллаахха Кылаайыга
«Арҕаа төбөҕө» төрөөбүтэ. Толору эттээх-хааннаах, уһун син-
ньигэс мөчөкө сирэйдээх хара бараан киһи этэ. Үрдүк соҕус уҥуох-
тааҕа. Куруук күлэ сылдьар, аһара сымнаҕас майгылааҕа, аҕыйах
саҥалааҕа. Үөрэҕэ суоҕа. Колхозка хонууга үлэлээбитэ, ааттаах ох-
сооччу, булчут, стахановец. Кылаайыга наар «Ньукууһа өтөҕүн»
диэки олорбута. Кэргэнэ Алексеева Акулина Никифоровна оҕолоро
кыраларыгар өлбүтэ. 1942 сыллаахха бэс ыйын 6 күнугэр Чурапчы
военкоматынан ыҥырыллан, «Маатыкаантан» Кылаайыттан армияҕа
барбыта. Барарыгар икки уол оҕолоро Николай уонна Иннокентий
тулаайах хаалбыттара. Званиета — рядовой. Сэриигэ киирбэккэ
сылдьан, ыалдьан. Тула куорат инфекционнай госпиталыгар 1942
сыллаахха өлбүтэ. Биир дойдулааҕа Бочкарев Михаил Васильевич
өлөөрү сытарын госпитальга көрсүбүтэ.
11