Page 17 - Афанасий Алексеев Ытык иэс

насьева Дария Гаврильевна иитэр кыыһыныын Агашалыын хаал-
быттара. 132-с сд., 498-с сп. рядовойа. 1942 сыллаахха алтынньы
16 күнүгэр сэриигэ өлбүтэ. Курскай уобалас Калабино дэриэбинэ-
тигэр көмүллүбүтэ.

11. Бережнев Алексей Федотович 1920 сыллаахха Ситимнэ-
һиигэ «Чыычаах өтөҕөр» төрөөбүтэ. Аҕатыгар соҕотох уол. Ыраас
хааннаах, киэҥ харахтаах, орто уҥуохтаах, бэйэтигэр сөп эттээх-
хааннаах, атаҕынан чэпчэки, элбэх саҥалаах-иҥэлээх, сытыы-хотуу
киһи этэ. Түүлээх биэс кылаастаах оскуолатын, онтон алтыс кылаа-
һы Тандаҕа үөрэнэн бүтэрбитэ. Хонууга үлэлээбитэ. Кэргэннэммэтэ-
ҕэ. Комсомоллаах. 1942 сыллаахха бэс ыйын 27 кунүгэр Чурапчы
военкоматынан армияҕа ыҥырыллан, Ситимнэһии «Билиититтэн»
барбыта. Званиета — рядовой.
«Москваҕа баарбын. Копырин Константин Константиновиһы,
Афанасьев Василий Алексеевиһы кытары бниргэ сылдьабыт»,
диэн дьонугар суруйбута. Маҥнай Смоленскай туһаайыытыиан сэ-
риилэспитэ. Онтон Копырин Константин Константиновиһы кытары
Крымы босхолооһуҥҥа үс күн бииргэ сэриилэһэн баран, Копырин
К. К. сэриигэ бааһыран арахсыбыттара. Бережнев Алексей Федо-
тович Крымы босхолуур сэриигэ 1943 сыллаахха сэриигэ өлбүтэ.
Өлбүт биллэриитэ 1943 сыллаахха муус устар ыйга кэлбитин совет
председателэ куттанан, уол аҕатыгар биллэрбэтэҕэ.

12. Бережнев Николай Гаврильевич 1919 сыллаахха Ситимнэ-
һиигэ «Андылаахха» төрөөбүтэ. Намыһах уҥуохтааҕа, толору эт-
тээҕэ-сииннээҕэ, сырдык хааннааҕа. Улахан соҕус, муннуктаах си-
рэйдээҕэ, биллэр-биллибэт алаа соҕус харахтааҕа. Соччо элбэҕэ
суох саҥалаах эрээри, үөннээх соҕустук саҥарарын сөбүлүүрэ. Түү-
лээх биэс кылаастаах оскуолатын бүтэрбитэ. Пионерга сылдьан,
дьону «Күлүмэҥ» дии-дии мунньахха толлубакка-иҥнибэккэ тыл этэ-
рэ. Булчут этэ. «Ситимнэһиигэ» атыылааччынан, арыы приемщи-
гынан ү; элээбитэ. Кэргэннэммэтҕэ. 1942 сыллаахха бэс ыйын 27
күнүгэр Чурапчы военкоматынан ыҥырыллан, колхоһугар ыскылаат
тута сылдьан, Ситимнэһииттэн «Дьахтар арыытыттан» барбыта.
1942 сыл күһүн Даурия станцияҕа Читинскай уобаласка мельницаҕа
бурдук таттарыытыгар үлэлээбитэ. Званиета — рядовой. 1943 сыл-
лаахха тохсунньу 5 күнүгэр тутууга үлэлии сылдьан, Челябинскай
куоракка ыалдьан өлбү'тэ.

13. Бережнев Филипп Степанович 1907 сыллаахха Кылаайыга
«Тииҥ кулгааҕар» төрөөбүтэ. Куударалаах баттахтаах, кыра соҕус
уҥуохтаах, кыһыл хааннаах, кэтнт сүү'стээх, кылгас соҕус сирэйдээх,
а-^аа харахтаах, кэпсээннээх-сэһэннээх ылбаҕай киһи этэ. Кэргэни-
нээн Алексеева Ульяна Климентьевналыын холбоһон, биэс сыл
бииргэ олорбуттара, оҕоломмотохторо. Үөрэҕэ суоҕа. Хонууга, сыл-
гыга үлэлээбитэ. Дьааҥы дьаамын сүүрдүүтүгэр сылдьыбыта. 1941
сыллаахха атырдьах ыйын 15 күнүгэр Чурапчы военкоматынан
ыҥырыллан, Кылаайыттан «Дириҥ атахтан» армияҕа барбыта. Зва-
ниета — рядовой. Сэриигэ сураҕа суох сүппүтэ.

15