Page 38 - Афанасий Алексеев Ытык иэс

Ытыктабыллаах дьонум: Биһиги дойдубутугар үтүө күннэр
тахсан тыктылар, күүтүллүбүт күннэр кэллилэр. Өстөөх толору урус-
халланна. Аны эйэлээх үтүө олоҕу саҕалыыбыт. Ол иһин ити кыа-
йыыны кытары эһиги олус бэркэ ыалдьыбакка-санаарҕаабакка олл'
роргутугар баҕарабын. Сэрии сиэртибэтэ суох буолбат. Ол быһыы-
тынан биһиги дьоммут норуот иннигэр баран өлөн туораабыттара.
Кинилэр ааттарын хаһан даҕаны умнар сатаммат. Хайа даҕаны Кэм-
ҥэ ахтан ааһар буолаарыҥ.
Мин олус бэркэ сылдьабын. Доруобуйам чааһа талбыт курдук.
Үөрэнэбин күнүн ахсын. Усулуобуйа чааһа олус бэрт. Билигин
табахтан, испиискэттэн тиийэ биэрэллэр. Мин эһигиттэн суругу кыра-
лаан тутабын. Туолка олус өр айаннаан кэлэр. Мин баар ротабар
суруксутунан саҥа үлэлээн эрэбин. Онон ханна да ыыппаттара буо-
луо. Билигин мин хаһан эрэ тустубут, оонньообут күндү дойдум
тупсан, чэлгийэн, долгуйан турдаҕа. Бу кэмҥэ ону ахтабын, саныы-
бын, мин хайдах үөскээбиппин. Санааргыыр сатаммат. Өр даҕаны,
өтөр даҕаны кэминэн өтөхпөр эргиллиэм диэн эрэнэ саныыбын. Эһи-
ги эрдэ биһигини көһүтүмэҥ. Бу олорор сирбит дьылҕатын быһааран
баран тиийиэхпит. Хаартыскаҕа түһэрбэттэр. Хата, эһиги түһэн миэ-
хэ ыытаарыҥ. Көрүөҕү олус баҕарыллар. Манан бакаа суруйарым
бүтэр. Быраһаайдарыҥ, көһүтэр күндү күннэргэ дылы. Баҕарабын
бары үтүөнү. Хааллым Серафим Николаевич Сыроватскай.
16 мая 1945 года. п/п 25401-Н».
Серафим Николаевич сэриигэ өлбүт дойдутун дьонун туһунан
барытын билбитэ, Улуу Кыайыы өрөгөйдөөх үөрүүлээх күнүн көр-
сүбүт эрээри, японнары утары сэриигэ охтубута.
Сэриигэ өлүөн алта хонук иннинэ бу ийэтигэр, дьонугар ыып-
пыт суруга.
«Ахтылҕаннаах төрөппүт ийэм, таптыыр быраатым, эбэм, эдьии-
йим Евдокия, Елена Константиновна мин ааппыттан аҕыйах тыллаах
сурукпун кытары хаһан даҕаны умнуллубат итии дорооболоруҥ!!!
Мин ааппыттан ыраах-ыраах сүүһүнэн көстөөх сиртэн ыытар
аҕыйах тыллаах сурукпун ааҕыҥ дуу?!
Соччолоох суруйар сонунум суох. Доруобуйам чааһа олус бэрт.
Сылдьыы чааһа оннооҕор бэрт. Условия олус бэрт. Сороҕор аһы
кыайан аһаныллыбат.
Мин эһиэхэ от ыйын 23 күнүгэр суруйан турабын. Ону тутту-
гут ини? Онтон эбэн суруйарым туох даҕаны суох диэххэ сөптөөх.
Бу мин остуолга олорон суруйбаппын. Балаакка иһигэр сытан
эрэн суруйан эрэбин. Бу курдук, олорбуппут ый буолан эрэр. Биһиги
иннибитигэр боччумнаах улахан сорудах турар. Ол сорудаҕы толо-
рорбутун аҕыйах күннэр быыһаан тураллара буолуохтаах. Саамай
кыраныысса чугаһыгар кэлэн сытабыт. Манна биһиги ротаттан суох-
тар. Икки уол урут бааллара да, атын сиргэ ыытан тураллар. Суругу
эһигиттэн быраатым бэс ыйыгар ыыппытын ылбытым. Онтон ылата
ыла иликпин. Аны эһиги сурук даҕаны ыытар буоллаххытына, бэрт
өр айаннаан кэлэрэ буолуо уонна манна таба түһэн булара саарбах.
Мин куруутун быспакка баарбын биллэрэ сылдьыаҕым. Эһиги су-
руйбатаххытына да син буолуох этэ. Ону бэйэҕит билээриҥ. Тыын-
наах оттоххо, хаһан эмэ дойдуну көрүллүө этэ. Туолка, бастакы күн-
нэр олус суостаах буолаллара буолуо. Биһиги олох куттаммаппыт.
Хата, сотору сэриилэстэрбит диибит. Онон киһи дьиибэ буолар эбит.
Эһиги саныыргыт, куттанаргыт сатаммат. Уол оҕо төрөөммүт, туохха
анаммыппыт да, сырыттахпыт.
36