Page 40 - Афанасий Алексеев Ытык иэс

председателинэн үс сыл үлэлээбитэ. 1940 сыллаахха 9 ыйдаах
советскай-партийнай курсу Дьокуускай куоракка үөрэнэн бүтэрбитэ.
Вүлүү оройуонугар райисполкомҥа кадр отделынан, райсовет солбу-
йар председателинэн үлэлээбитэ. 1941 сыллаахха Бүлүү военкома-
тынан армияҕа ыҥырыллыбыта. Армияҕа барарыгар кэргэнэ Васи-
льева Мария Николаевна Роза диэн кыыһыныын хаалбыттара. Зва-
ниета — рядовой. Биир дойдулааҕа Бочкарев Михаил Степанович
1941 сыл күһүн Иркутскай куорат анараа өттүгэр тимир суол стан-
циятыгар көрсүбүтэ. Онно элбэх буолан, нууччалар, сахалар кутаа-
ларга хортуоппуй үттэн сии олороллоро. «Бу ас көһүннэҕинэ, ба-
һыыба буолар, аны»,— диэбитэ Степана.
1942 сыл саас дьонугар Түүлээххэ суруйбут суругуттан:
«...Ыараханнык өттүкпүнэн бааһыран, Калининскай уобаласка Выш-
ний Волочек куорат госпиталыгар эмтэнэн үтүөрэн эрэбин. Госпиталь
иһигэр санитарынан үлэлиибин. Дойдубар ыытар буоллулар. Онон
барарбар телеграмма ыытыам. Харчыта ыытаарыҥ»,— диэн.
Ол кэнниттэн дьонугар киниттэн сурук кэлбэтэҕэ.
Ушницкай Степан Васильевич 1942 сыл ахсынньы ыйга Твер-
скэй уобаласка сэриигэ өлбүтэ.

38