Page 108 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

кэлбит киһиэхэ үлэлиир усулуобуйа барыта баар этэ. Оччолорго
биһиги оскуолабытыгар Найахыттан, Өспөхтөн, Баатаҕайтан,
Өнөртөн, Чэриктэйтэн, Остуойкаттан, Бээдиттэн кэлэн үөрэнэллэрэ,
ол иһин 300-тэн тахса үөрэнээччи буолара. Педколлектив даҕаны
улахана, үксэ эр киһи учуутал этэ. Хомойуох иһин, кэрэҕэ, сырдыкка
угуйбут киэн туттар оскуолам даҕаны, элбэхтик сүүрбүт-көппүт физ-
саалам даҕаны билигин суохтар, сиртэн симэлийбиттэрэ ыраатта, кы-
тыастар кыһыл уот харайбыта...
Иван Михайлович кэлээт даҕаны, оскуола үөрэнээччилэриттэн
үгүс оҕону спорка сыһыаран барбыта. Ол курдук, араас сиэксийэлэр-
гэ: чэпчэки атлетикаҕа, баскетболга, хайыһарга күннэтэ былааннаан,
оҕолору эрчийэн киирэн барбыта. Биһиги кылаастан мин — чэпчэки
атлетика, баскетбол, Нюта Ушницкая (А.П. Бурнашева), Настя Мат­
веева (А.Н. Божедонова) - баскетбол, хайыһар, Дуня Неустроева (Е.Е.
Неустроева), Ваня Сивцев (И.И. Сивцев) баскетбол сиэксийэлэригэр
дьарыктанарбыт. Итини таһынан, туризмҥа эмиэ эрчиллэрбит.
Дьарыкка сылдьарбар мин атахпар сөптөөх кедам суох буолан,
саалаҕа баар инвентартан биир боростуой, эргэ кеданы уларсан кэп-
питим. Онтон учууталым Иван Михайлович миэхэ атахпар сөптөөх
кеданы Омскайтан сакаастаан ылларан, муус маҥан мааны да мааны
кедалаах кыыс оҕото буолбутум. Оо, онно үөрбүппүөн!.. Ити кеда-
бын, хаачыстыбата үчүгэй буолан, наһаа уһуннук кэппитим. Ол кур­
дук, кыһыны быһа саалаҕа сүүрэн-көтөн, эрчиллэн тахсарбыт.
Аны сарсыарда аайы уруок саҕаланыан иннинэ, 8:30 чааска, ос-