Page 109 - Улуус спордун үйэтиппит учуутал, тренер. Иван Жирков

куола оҕото барыта уһун көрүдүөргэ туран эрэ сэрээккэ оҥорор эти-
бит. Бастаан учууталбыт бэйэтэ оҥоттороро, онтон кэлин сиэксийэҕэ
сылдьар оҕолор сэрээккэлэтэр этибит, итинтэн оҕо уруокка хойу-
тааһына аҕыйыыра, бэрээдэккэ тардыһара. Сааһыгар тиийэн, муус
устар бүтэһик күннэриттэн сарсыарда сэттэ чааска сэрээккэҕэ ыҥы-
рар буолбута. Таһырдьа сүүрэбит, сэрээккэ оҥоробут. Оптом кунүс
уруок кэнниттэн эмиэ эрчиллии, күрэхтэһиигэ барыахпыт иннинэ.
Саас ыам ыйыгар, Бороҕоҥҥо киирэр-тахсар суол алдьанан
турдаҕына, «Ленинскэй тэрийээччи» хаһыат бирииһигэр эстафета
ыытыллар буолара. Ити күрэхтэһиигэ биһиги оскуолабыт хайаан
даҕаны кыттара уонна кыайан-хотон, санаабыт көтөҕүллэн тахсар-
быт. Бороҕоҥҥо киирэрбитигэр сороҕор син тугунан эмэ илдьэл-
лэрэ, онтон күрэхтэһэн баран, наар сатыы дьиэлиир буоларбыт. Аара
Тулунаҕа учууталбыт Иван Михайлович табаарыһыгар сылдьан
чэйдээн-аһаан ааһарбыт. Былыр үөрэнээччилэр спартакиадалара бэс
ыйыгар ыыталлара, онно оскуола хамаандата эмиэ үчүгэйдик кытта­
ра. Мин 100, 200, 400 м сүүрүүгэ миэстэлэһэр буоларым. Ити кэмҥэ
биһиги оскуолабыт наар инники күөҥҥэ сылдьыбыта.
Онтон миигин оройуон сүүмэрдэммит хамаандатыгар киллэрэн-
нэр, күһүҥҥү республикаҕа эстафетаҕа, кросска кытта барсар буол-
бутум. Уус Алдан хамаандатыгар, оччолорго, республика спорт эйгэ-
тигэр киэҥник биллибит күүстээх спортсменнар: Татьяна Ильинична
Черноградская - Иванова, Борис Маркович Иванов, Иван Семенович
Румянцев, Иван Семенович Протодьяконов, Иван Михайлович Жир­
ков, Иннокентий Николаевич Бурнашев, Анатолий Находкин, Мария
Егоровна Соловьева, Анатолий Михайлович Заболоцкай, Владимир
Пантелеймонович Слепцов, Февронья Константиновна Давыдова уо.
д.а., онтон оҕолортон Варя Алексеева (В.Н. Новогодина), Ваня Ива­
нов (И.И. Иванов), Вера Федорова, Маша Местникова, Света Боч­
карева (С.И. Старостина) бааллара, элбэхтэн сорохторун аҕыннахха
итинник. Оройуон сыл аайы итинник республикаҕа кросска, эстафе-
таҕа наар икки хамаанданан кыттара. Оччолорго оройуон спорткэ-
митиэтин бэрэссэдээтэлинэн спорка чахчы бэриниилээх, дойдутугар
күүстээх патриоттуу санаалаах Андрей Андреевич Протопопов үлэ-
лиирэ. Андрей Андреевич күрэхтэһэ барар дьонун эрдэттэн үлэлэ-
риттэн босхолотон, Бороҕоҥҥо мунньан усбуордуура, остолобуой-
га аһыырга толуон биэрэрэ уонна эрчиллэллэрин ирдиирэ. Ол иһин
буолуо, ити кэмҥэ биһиги оройуон республикаҕа бастыҥнар ахсаан-
нарыгар сылдьара, кыайыы-хотуу өрөгөйүн билбитэ. Спорт атын да