Page 106 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

лэн, олус үчүгэй спортивнай формаҕа киирэрбит, төһөлеөх даҕаны
улахан ноҕуруускалаах дьарыктары тулуйарбыт. Саас Бороҕоҥҥо
ыытыллар Кыайыы эстафетатыгар Дүпсүнтэн Өнөргө диэри сатыы,
салгыы Бороҕоҥҥо диэри «Беларус» тыраахтарынан бырысыапка
тиэллэн тиийэн, күрэхтэһиигэ кыайыы өрөгөйүн билэн дьиэбитигэр
үөрэн-көтөн кэлбиппитин күн бүгүҥҥэ диэри умнубаппын. Ити ба-
рыта учууталбыт Иван Михайлович дьаныардаах үлэтин түмүгэ этэ.
Үөрэх сылын бүтүүтэ оройуоҥҥа оскуолалар икки ардыларыгар
чэпчэки атлетикаҕа спартакиада ыыталлара. Онуоха биһиги, Дүпсүн
оскуолатын спортсменнара, бары көрүҥҥэ иннибитин хайа даҕаны
оскуолаҕа биэрбэтэхпит. Эрчиллиибит үчүгэйэ бэрт буолан, хаар-
дыы хааман, барытыгар инники күөҥҥэ сылдьыбыппыт.
Ахсыс кылааһы бүтэрэрбэр, Иван Михайлович сүбэтинэн, Дьо-
куускайдааҕы педучилище физкультурнай салаатыгар үөрэнэ киир-
битим. Устудьуоннуур сылларбар кини курдук күүстээх тренергэ
түбэһэн дьарыктаммакка, эдэр сааспар спорт эйгэтигэр өссө даҕаны
элбэҕи ситиспэтэхпиттэн хомойо саныыбын. Киин куораппытыгар
үчүгэй саала даҕаны суоҕа, инвентарь да мөлтөҕө, ити барыта даҕа-
ны таайдаҕа буолуо...
Училищены бүтэрэрбэр, кыргыттары барыбытын хоту улуустар-
га аныырга диэн быһаарбыттара. Хата, мин дьолбор, Иван Михай­
лович куоракка күрэхтэһиигэ киирэ сылдьан миигин корсон, ханна
анаммыппын сураһан баран: «Оройуоҥҥар тахсыаххын баҕараҕын
дуо?» - диэбитэ. Ону мин үөрүүнэн сөбүлэспитим. Онтон оройуонум
спорткэмитиэтэ хадатаайыстыба оҥорон, Уус Алдаммар анаммы-
тым. 1967 с. Майаҕас аҕыс кылаастаах оскуолатыгар физкультура
учууталынан ананан үлэбин саҕалаабытым. Ол кэннэ 1972 сылтан
Чэриктэйгэ үлэлээбитим. Маныаха барытыгар учууталым Иван Ми­
хайлович туе оруола, үтүө сабыдыала олус улахан.
Уус Алдаҥҥа тахсан баран 1972-83 сылларга спорт биэс көрүҥэр
(кросс, хайыһар, чэпчэки атлетика, сайыҥҥы уонна кыһыҥҥы ГТО
комплексыгар, эстафеталарга) төрөөбүт оройуонум спортивнай чиэ-
һин көмүскээбитим. Ити кэмнэргэ оройуон спорт бары көрүҥнэри-
гэр республикаҕа бастыҥнар кэккэлэригэр сылдьара. Спорткэмитиэт
үлэһиттэрэ Бороҕоҥҥо эрчиллэр түмсүүгэ (усбуорга) ыҥыран күүстээх
дьарыктары тэрийэн ыыталлара. Иван Михайлович хайыһарга уонна
сүүрүүгэ эрчийэрэ. Бу барыта биһиги спорка салайааччыларбыт, тре-
нердэрбит дьаныардаах, күүстээх үлэлэрин түмүгэ буолара.
Истиҥник саныыр учууталым Иван Михайлович физкультура