Page 130 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Дьоһуннаах салайааччы этэ

1987 сыллаахха оҕо спортивнай оскуолатын
дириэктэринэн Иван Михайлович Жирков ананан
үлэлии кэлбитэ. Мин олох билсибэтэх киһим этэ,
оҕо эрдэхпиттэн Чурапчыга Д.П. Коркиҥҥа тустуу-
нан дьарыктанан, онтон соҕуруу баран үөрэнэн,
дойдубар 1980 сыллаахха биирдэ кэлбитим. Саҥа
дириэктэрбит сахаҕа орто уҥуохтаах, ис-киирбэх
көрүҥнээх, чэпчэкитик туттарыттан-хаптарыттан
көрдөххө, бэйэтин лаппа кыанара биллэрэ. Хайы-
һардьыт диэбиттэрэ.
Ити кэмнэргэ спортивнай
оскуолабыт Суоттутааҕы фи-
лиалыгар спорт маастара, рес­
публика биир чулуу тустууга,
Тандаҕа буолбут Н.Н. Тарскай
бирииһигэр турнир кыайыы-
лааҕа Анатолий Николаевич
Константинов, спорт маастара
билигин РСДЮШОР дириэк-
тэрэ Федот Федотович Ми-
галкин, Сыырдаахха — спорт
маастара, Саха АССР үтүөлээх тириэньэрэ, билигин республикатаа-
ҕы Д.П.Коркин музейын дириэктэрэ Николай Николаевич Констан­
тинов, Бороҕоҥҥо - спорт маастара, билигин СР, Россия үтүөлээх
тириэньэрэ Николай Николаевич Рожин, спорт маастара, билигин
СӨ үтүөлээх тириэньэрэ Николай Романович Крылов, спорт маас­
тара, СР, Россия үтүөлээх тириэньэрэ Иван Николаевич Сивцев,
спорт маастара, Россия икки төгүллээх призера, билигин СР, Россия
үтүөлээх тириэньэрэ Степан Петрович Сивцев, спорт маастара, рес­
публика биир чулуу бөҕөһө Иннокентий Михайлович Захаров уонна
Курбуһахха - мин, оройуоммут тустууга дьоҕурдаах уолаттарын бу­
лан, сүүмэрдээн эрчийэрбит.
Дьэ, итинник үллэ олорор коллективы Иван Михайлович салайа
кэлбитэ. Биһиги бары туһунан өйдөөх-санаалаах, тыллаах-өстөөх,
мин аҕай дэммит, кими да истибэт, тус-туһунан үлэлиир-хамсыыр
дьон этибит. Ол иһин ити ааттаталаатым, бары даҕаны киһи сыгын-
ньах илиитинэн туппат урааҥхайдара мустан, биир тылы булан үлэ-