Page 131 - Улуус спордун үйэтиппит учуутал, тренер. Иван Жирков

лииргэ ыарахан коллектив этэ. Оннооҕор оройуон күрэхтэһиитигэр
кылаабынай судьуйабыт 10 мүнүүтэ иһигэр уһуллан, атын киһи сол-
буйара баара. Кыра дайбаһыылаах күрэхтэһиилэр, мунньахтар да
буолаллара. Итинник ыһыллыы-тоҕуллуу кэмигэр Иван Михайло­
вич кэлбитэ. Кини сүрдээх боччумнаах, бириинсиптээх салайааччы
буолара биллэн барбыта, урукку курдук бас-баттах тыллаһыы, ох-
суһуу-этиһии сыыйа-баайы тохтообута.
Филиалларга үлэ-хамнас ыытылларын туоһулуур сурунааллар
толоруллан, бэрэбиэркэлэнэллэрэ, педсовет кэмиттэн кэмигэр ыны-
рыллан, үлэ былаана, календарнай былааннар бигэргэнэр буолбут-
тара. Урукку курдук “улахан күрэхтэһиилэргэ мин эрэ эрчийэр оҕом
бардын” диэн буолбакка, сүүмэрдэммит хамаанда интэриэһэ үөһэ
тахсыбыта.
Күрэхтэһиилэрбит дьоһуннаахтык, тэрээһиннээхтик ыытыллар
буолуулара үгэскэ кубулуйан барбыта. Холобур, 1988 сыллаахха дуу,
1989 сыллаахха этэ дуу оройуон оҕолорго күрэхтэһиитэ кулуупка
ыытыллыбыта. Арай мандатнай кэмииссийэҕэ Наум Ермолаев, Мак­
сим Аммосов, Сеня Ермолаев докумуоннара, төрөөбүттэрин туһу-
нан сибидиэтэлистибэлэрэ суох диэн буолла. Бу иннинэ уолаттар
Красноярскай куоракка күрэхтэһэ сылдьыбыттара, онно илдьэ сыл-
дьыбыт тириэньэр Еаврил Николаевич Окоемов оҕолор докумуон-
нарын мандатнай хоско умнан хаалларан кэбиспитин, краснояр-
скайдар почтанан бандероллаан ыытаннар, саҥа айаннаан иһэр кэмэ
эбит. Итини быһаара сатаабыппар салайааччыбыт Иван Михайлович
иннин олох биэрбэт: “Докумуоннара билигин манна булгуччу баар
буолуохтаах, онто суох күрэхтэһиигэ киирбэттэр”, - диир. Онно дьэ,
улаханнык кыыһырыстыбыт, ол кэнниттэн хата, икки өттүттэн ой-
дөһөн, педколлективы мунньан, тириэньэрдэргэ “барыларын билэр
оҕолорбут” диэн мэктиэлэтэн, нэһиилэ көҥүллээтэ. Оннук бириин­
сиптээх, бэрээдэк киһи этэ, билигин этэ эрэ диирбэр тиийэбин...
Ити кэмнэртэн республика күрэхтэһиилэригэр тустар уолаттарбыт
көрдөрүүлэрэ сыыйа тупсан барбыттара, Уус Алдан хамаандата оҕо-
лорго биир бастынынан ааттаммыта.
Кэлин иккиэн үлэлээн бүтэн, биэнсийэҕэ тахсан баран,
көрүстэхпитинэ наҕылыччы кэпсэтэн-ипсэтэн арахсар этибит. Иван
Михайлович мэлдьи: “Дьэ, сүрдээх дьон этигит!” - диэччи.
Бороҕоннооҕу табаарыһым, тустууга эмиэ спорт маастара Ин­
нокентий Бурнашев аҕа кынна оройуон саахымакка биир күүстээх
оонньооччута Алексей Еремеевич Киренскэй Иван Михайловичка