Page 133 - Улуус спордун үйэтиппит учуутал, тренер. Иван Жирков

оҕото этэ. Уҥуоҕунан улахана суох, бухатыыр көрүҥэ сыстыбатах
уолу чэпчэкитик хаамарын, түргэн туттуулааҕын көрөн, оччотооҕу
оҕонньоттор “бу уол атаҕар кыаллар сүүрүк буолсу” диэбиттэрэ,
хайыһардьыт буолан Жирковтары аатырдыбыта.
Мүрү Эбэ Хотун күһүҥҥү хаарын тыыран, тумус сыырдарын
өксөйөн, алаастарын ньууругар хайыһар суолун үктээн элбэх-
тэ тириппитэ-хоруппута таах хаалбатаҕа. Ол хайыһар суолугар
элбэх көлөһүннэрин тоҕон, кини иитиллээччилэрэ оройуоҥҥа,
өрөспүүбүлүкэҕэ бастыҥнар кэккэлэригэр тахсыбыттара, Иван Ми-
хайловиһы тириэньэр быһыытынан, кынаттаабыттара буолуо дии са-
ныыбын. Кини оҕолоро оройуоҥҥа наар бастыыр буолаллара. Иван
Михайловичтыын мин сыл хаардаах кэмигэр эрэ көрсөр этим, ол
хайыһар күрэхтэһиитигэр үксүн буолара. Ол иһин мин ахтыым кыл-
гас уонна күрэхтэһиилэри кытары сибээстээх. Анатолий Находкин,
Василий Колодезников, Егор Аммосов буоланнар, улахан дьоҥҥо
сүүрэллэрин ымсыыра көрөр сыллардаах этибит. Ол сылларга “ара-
тапелла” дэнэр бачыыҥкалаах хайыһар саҥа кэлэн, кинилэргэ эрэ
баара.
Сойуус илиҥҥилии-хоту өттүгэр хайыһар саҥардыы спорт
быһыытынан тэнийэн эрдэҕинэ, Саха сирин хайыһардьыттара бэ-
йэлэрин зоналарыгар инники кэккэҕэ сылдьаллара. Мин тус бэйэм
ситиһиилэрим манныктар этэ: Сибиир уонна Уһук Илин профсоюз-
най спартакиадатын зонатыгар биатлоҥҥа эстафетаҕа бастакы миэс-
тэ, юниордарга ССРС физкультурнай институтугар алтыс миэстэ,
ССРС үрдүк үөрэх салаатын устудьуоннарыгар эстафетаҕа үһүс
миэстэ, Хабаровскай кыраай “Буревестник” уопсастыбатыгар үһүс
миэстэ, Саха республикатын абсолютнай чемпиона.
Салгыы антах сылаас кыһыннаах дойдуга сылы эргиччи дьарык-
танар буоланнар, оттон биһиги тымныы уһун кыһыммыт кыпчы-
йан, эрчиллиибит халлаан сылыйдаҕына эрэ ыытылларынан, мөл-
төх курдук буолбуппут. Саас дьэ, формабытыгар киирэн хамсыыр
буолан эрдэхпитинэ хаарбыт ууллан хаалара. Ону сатаан өйдөөбөт
өттүлэрэ, Саха сирин хайыһардьыттарын кыахтара тиийбэт курдук
көрөллөрө. Ол сыыһа көрүү. Бу кэм кэрдиитигэр хайыһарынан дьа-
рыктанар дьон ахсаана лаппа аччаата эрээри, доруобуйаҕа туһатын
күүһэ онтон көҕүрээбэт.
Иван Михайлович кэнники кэмҥэ ыарытыйар буолбут эбит. Ол
да буоллар таах олорбокко, сыппакка төрөөбүт улууһун спордунан
дьарыктаммыт дьонун туһунан кинигэ суруйан, кинилэри үйэтит-