Page 194 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

ловим оннук сатаан түмэн, учуу­
тал даҕаны, техническэй үлэһит
да буоллун, дьарыктыыра, ити
кини эмиэ ураты дьоҕура этэ.
Үөрэх икки симиэнэнэн бара-
ра, физкультура уруогун көтүтүү
эбэтэр онтон босхолоноору мед­
справка ыла сатаа]1ын тохтообута,
төттөрүтүн оҕолор сөбүлүүр дьа-
рыктарыгар кубулуйбута. Кини үлэлиир сылларыгар биһиги үөрэнээч-
чилэрбит уонна учууталларбыт ханнык баҕарар күрэхтэһиилэргэ мэл-
дьи инники күөҥҥэ сылдьаллара. Онон оройуоҥҥа социалистическай
куоталаһыыларга хас да төгүл көһө сылдьар Кыһыл Знамяны ылан,
үөрүүбүт муҥура суох буолара.
Оскуолаҕа уонна оройуоҥҥа ыытыллар үөрэх тэрээһиннэри-
гэр уонна методическай үлэҕэ Иван Михайлович туспа, ураты
көрүүлэрдээх буолара, итэҕэһи-быһаҕаһы көнөтүнэн этэрэ, олору
туоратар суоллары ыйара-кэрдэрэ, онтукатын кимтэн даҕаны, туох-
тан да толлубакка араас таһымнаах мунньахтарга аһаҕастык ту-
руорсара. Ону сорох биир идэлээхтэрэ сөбүлээбэт даҕаны түгэннэрэ
бааллара... Ити эмиэ, убайым туе бэйэтин иннигэр туруорунар үрдүк
ирдэбилин уопсай дьыала тупсарын туһугар олоххо киллэрэр ураты
хаачыстыбата этэ дии саныыбын.
Иван Михайлович үрдүк билиилээх-көрүүлээх, ирдэбиллээх
учуутал, улахан спортсмен, таһаарыылаах тириэньэр, амарах аймах,
эрэллээх кэргэн, аламаҕай аҕа быһыытынан истиҥ-иһирэх өйдөбүл
биһиэхэ сырдык, ыраас санаа буолан инэн хаалбыт. Оннук өйдөбүл
биһиги оҕолорбутугар, сиэннэрбитигэр сырдык суол, ыраас саҕах
буолан салҕана туруоҕа диэн бүк эрэллээхпит.
Чугас киһибит Иван Михайлович таһаарыылаахтык үлэлээбит,
дьоһуннаахтык олорбут олоҕун ыарахан даҕаны, үтүө даҕаны күн-
нэригэр куруук өйөбүл буолбут саҥаспытыгар, убаастабыллаах
Мария Никоновнаҕа, кыыһыгар Варвара Ивановнаҕа махталбыт
муҥура суох. Инникитин чугас дьоҥҥут, оҕолоргут, сиэннэргит
истиҥ-иһирэх тапталларынан угуттанан уһун дьоллоох олохтонуҥ
диэн алҕаатахпыт буолуохтун. Дом!

Надежда Егоровна ХАРИТОНОВА,
ба.1ти, коллегата, педагогической үлэ бэтэрээнэ.