Page 192 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
аттестация хамыыһыйатын чилиэнинэн, учууталлар идэлэринэн
көрүүлэр дьүүллүүр сүбэлэрин чилиэнинэн үлэлиирин таһынан,
оскуолаҕа профсойуус кэмитиэтин чилиэнинэн, физкультура учуу-
талларын методическай холбоһугун салайааччытынан эппиэтинэс-
тээхтик үлэлээбитэ. Иван Михайлович санаатын көнөтүнэн аһаҕас-
тык этэр этэ. Педсовет мунньахтарыгар итэҕэһи ыйан, төрүөтүн
быһааран, туоратар суолу ыйар буолааччы.
Жирковтар иллээх-эйэлээх, ыалдьытымсах ыаллар диэн билэбин.
Иван Михайлович кэргэнэ Мария Никоновна юннатскай станция
биир тутаах үлэһитэ буолан элбэх оҕону үрдүк ситиһиигэ сирдээбит,
олоххо бэлэмнээбит улахан үтүөлээх, элбэх оҕо махталын билбит
педагог. Эмиэ айымньылаах туруу үлэһит, сэмэй киһи. Иван Ми-
хайловичтыын наһаа барсар, бэйэ-бэйэлэригэр анаммыт кэргэннии-
лэр диэн көрөөччүбүн. Тапталларын күүһүнэн олох ыарахаттарын
тулуйан кэллэхтэрэ. Үөрэх салаатыгар үлэлиир маҥнайгы сыллар-
бар Мария Никоновна үлэтин туһунан буклет оҥорбутум, ол кэлин
үлэтин түмэригэр туһалаах буолбута буолуо диэн эрэнэбин. Иван
Михайлович икки улахан үбүлүөйдээх бырааһыннььтктарыгар ыҥы-
рыылаах ыалдьыт буолбуппуттан үөрэбин. Иван Михайловичтаах
уолларын Ваняны үөрэппитим. Оттомноох, сэмэй, үөрэҕэр кыһал-
лар, эппиэтинэстээх үөрэнээччи этэ. Оскуолаҕа сүүрүүнэн уонна
хайыһарынан дьарыктанара. Номнуо ситиһиилэнэн, аҕатын курдук
хайыһардьыт буолуо дуу диэн эрэнэ санаабыт оҕобут наһаа кылгас
олохтоммута. Ваня оскуола стадионун эргийэ хайыһарынан кынат-
таах курдук сыыйылыннара көтөн иһэрин бу курдук көрөбүн.
Кэлин сылларга Иван Михайлович элбэхтик суруйара, улуус
хаһыатын, улуустааҕы музейы кытта үлэлэһэн, ааспьтт кэм бил-
лиилээх спортсменнарын киэҥник сырдаппыт суруйууларын ула-
ханнык биһириирбин бэйэтигэр эппитим. Ол быыһыгар хайыһар
успуордугар инники күөҥҥэ сылдьыбыт Уус Алдан улууһа кэлин
ааттаммат буолбутуттан хараастарын, хайыһар спорда улууска саҥа
тыыны ылыахтааҕын туруорсара. Бэйэтин кэмин чулуу спортсмена,
хайыһарга Саха АССР алта төгүллээх, тыа сирин «Урожай» уопсас-
тыба 17 төгүллээх чөмпүйүөнэ, республика элбэх төгүллээх призера
онно толору бырааптаах этэ дии саныыбын.
Хайыһар успуорда киһи атын киһини буолбакка, туе бэйэтин
кыайарыгар туһуламмыт көрүҥ. Киһи үлэһит, сыалын ситиһэригэр
дьүккүөрдээх, дьулуурдаах, тулуурдаах буоларыгар, ыарахаттартан
чаҕыйбат, күүстээх, хорсун санааланарыгар, эт-хаан өттүнэн эрчил-