Page 203 - Улуус спордун үйэтиппит учуутал, тренер. Иван Жирков

Улуу тренер,

бастыҥ хайыһардьыт, үтүөкэн киһи

Учууталым Иван Михайлович Жиркову аан бас-
таан 1957 сыллаахха быһыылааҕа, чопчу этэр кыаҕым
суох, аан бастаан сөҕө-махтайа көрбүттээхпин. Саас
муус устар саҕана, ичигэс күн курдук саныыбын, бука
өрөбүл эбитэ буолуо. Мүрүлэр күрэхтэһэ кэлэллэр
үһү диэн сурах өссө эрдэ кыараҕас Дүөндү бөһүөлэ-
гин тилийэ көтөн кэбистэ. Былыр Күлүмнүүр туттар-
быт эргэ оскуолата интернат буолан турара. Мүрүлэ-
ри интернакка түһэрэр буолбуттар. Туспа хос эҥин
бэлэмниир кыах суох буоллаҕа. Онон кыргыттар улахан хосторугар
үс кыыһы түһэрбиттэрин өйдүүбүн. Уолаттары ханна түһэрбиттэрэ
буолла, баҕар ыалга эбитэ дуу, интернакка кэлбиттэрин өйдөөбөппүн.
Үс кыыстан биирдэрэ нуучча, иккитэ саха этилэр. Биир кыра соҕус
уҥуохтаах, саҥарбыт-иҥэрбит кыыс өтүүк көрдөөн киирэрин-тахса-
I I
рын бэлиэтии көрбүт эбиппин.
Баскыһыанньа күн үүннэ. Дүөндү бөһүөлэгин хоту өттүгэр Көрдү-
о
гэн, соҕуруу өттүнэн Дүөндү, илин өттүгэр Тэкэрээттэ уонна арҕаа
өттүгэр Уоттаах диэн чоҥолох алаастар арҕастарын кырдалыгар турар
буолан, былыр-былыргыттан Дүөндү Томторо дэнэрэ. Атын алаастан
кэлэллэригэр-баралларыгар дьон сороҕор Дүөндүгэ бардым эбэтэр
Томторго баран кэллим диэн кэпсэтэллэрэ. Ити алаастартан хотугу-
тугар Көрдүгэҥҥэ хайыһардыыр сирбит этэ. Күрэхтэһии күнэ үүннэ.
Бөһүөлэк дьоно кырдьаҕастыын-эдэрдиин бары мүрүлэри көрөөрү
муһунна. Эгэ биһиги, интэрнээттэр, матыахпыт дуо?
Көрбүппүт доҕоор, мүрүлэрбит бары бачыыҥка хайыһардаахтар,
тобуктарын үөһэ өттүнэн бууттаах маҥан ыстааннаахтар, сотолору-
гар хара уһун остоох биһиги көрдөхпүтүнэ наскылаахтар, түөстэригэр
“МСШ” диэн суруктаахтар дьэ, дьон да дьон! Биһиэннэрэ буоллаҕына
быа хайыһардаахтар, үгүстэрэ этэрбэстээхтэр, форма эҥин, сурук-би-
чик диэн суох.
Улахан кылаас оҕолоро, мэлдьи күрэхтэһэр буолан барыларын ааҕа
билэллэр. Проня Крылов, Ваня Румянцев, Ваня Жирков, Нина Слеп­
цова, Татьяна Черноградская, нуучча кыыһын аатын өйдөөбөппүн Си-
неговскай врач кыыһа дииллэрэ быһыылаах. Уолаттарга биһигиттэн
кимнээх сүүрбүттэрин бу кини этэ диэн бигэргэппэппин.