Page 204 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер
Кыргыттарга 3, 5-10 км., уолаттарга 5, 10, 15 км. курдук өйдүүбүн.
Уолаттарга бастакы старт бэрилиннэ. Кинилэр дьон 5 км. өр гыныах-
тара дуо? Көрдүгэн илин өттүнээҕи Ааллаах сыыра дэнээччини маҥан
ыстааннаах уол таҥнары анньынан кэбистэ да алааһы кыйа барар
суолунан киирэн кылбалдьыта турда. Онтон Комсомоллар унуохта-
ра дэнэр тумул туруору сыыр үрдүгэр көстө түһээт, кынаттаах кыыл
курдук аллараа биирдэ баар буолаат, син балачча уһун көнө сири хол­
ку баҕайытык уһун-уһуннук сыыйылыннаран финишка кэллэ. Бары
үмүөрүһүү, көрүү-истии бөҕө. Билэр дьон: «Ваня Жирков, үһүс стар-
таабыта ээ», - сөҕүү-махтайыы бөҕө. Ваня Жирков Комсомоллар
уҥуохтарын сыырыгар кэлиитигэр биһиги бастакы барбыт уолбут
Ааллаах сыырын саҥа түспүт этэ. Мин сыыһа өйдөөбөт буоллахпы-
на 10 км. Ваня Румянцев, 15 км. - Прокопий Крылов эмиэ хойутуу
стартаан баран, кими да атахтаах оҥорбокко, хаардыы хаампыттара.
Онтон ыла ити хайыһардьыт уолаттар ааттара биһиэхэ өргө диэри уос
номоҕо буолан умнуллубакка иҥэн хаалбыта. Ол оннугар кыргыт-
тарбыт Таня Ушницкая, Гутя Никифорова, Мотя Попова мүрүлэргэ
биир да бириистээх миэстэҕэ тиксиһиннэрбэккэ, дүпсүттэр өрөгөйбүт
үрдээбитэ. Кырдьыга да, Татьяна Ушницкая учуутала Татьяна Гаври-
льевна Конниковалыын өрөспүүбүлүкэҕэ бастыыр, миэстэлэһэр, от-
тон Гутялаах Мотя оройуон чулуу хайыһардьыттара буоллаҕа дии.
Оной Татьяна Гаврильевна ити кыргыттары иитэн-үөрэтэн таһаарбыт
өҥөтө улахан. Оттон уолаттары кини курдук батыһыннара сылдьан
көҕүлүүр, эрчийэр эр киһи учуутал суоҕа.
Дьэ, били 1957 с. сөҕө-махтайа көрбүт Ваня Жирковпут биһиги тох-
суска киирэр күһүммүтүгэр үрдүк физкультурнай үөрэхтэнэн, Иван
Михайлович Жирков дэнэн физкультура уруогун биэрэр буолла.
Аҕата Михаил Васильевич Жирков оччолорго Дүпсүҥҥэ почта
начальнига этэ. Бэйэтэ I Өспөх Жирковтарыттан төрүттээҕэ. Ол кы-
ракый колхозтары бастакы бөдөҥсүтүү саҕана I Өспөх Жирковтара
үс аҥы ыһыллыбыт этилэр. А.М. Жирков дьоно Бээрийэҕэ, сорохторо
Остуойкаҕа, сорохторо Уһун Күөл дьонноро буолбуттар этэ.
Кэллэ-кэлээт, үлэ күөстүү үллүбэт дуо? Уруок кэнниттэн киэһэ
хойукка диэри бииртэн биир секциялары тэрийэн, оҕо-аймах залтан
тахсыбат буолла. Зал иһэ биир кэм ньиргийэн олороро. Физкультура
уруоктарыгар Иван Михайлович спортивнай форманы киллэрэн, зал-
га уруокка да, секцияҕа этэ да барыллыбат тас таҥаһынан, хаатыҥка-
лаах сылдьары көҥүллээбэт буолара. Уруок саҕаланыытыгар спор­
тивнай формата суох оҕону стройга туруорбат этэ. Оччолорго Дүпсүн