Page 206 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Борис Гоголев - чэпчэки атлетикаҕа, Захар Соловьев саахымакка, Гоша
Корнилов көҥүл тустууга оскуола, улуус чиэһин көмүскээһиҥҥэ оскуо-
латааҕы сылларыттан инники күөҥҥэ сылдьыбыттара.
Ити сылларга атах оонньууларыгар спорт маастардара буола үүм-
мүт республика биллэр спортсменнара Иннокентий Сивцев, Василий
Румянцев, Егор Корнилов ааттара киэҥник биллэллэр. Оттон оччо-
лорго күүскэ сайдан эрэр көҥүл тустууга анал тренер суоҕун үрдүнэн
Гоша Корнилов салайар Дүпсүн орто оскуолатын тустууга хамаандата
Гоша Кириллов, Иван Охлопков, Вася Прибылых, Коля Гаврильев,
Коля Литвинцев, Валера Татаринов, о.д.а. састааптаах хамаанда оччо-
тооҕу Орто Лена оройуонун оскуолаларын күрэхтэһиилэригэр бары
ыйааһыҥҥа кыһыл көмүс мэтээллээх эргиллэн, оскуола юбилейыгар
дьоһун бэлэҕи оҥорбуттара.
Тустуук оҕолортон Коля Гаврильев 11 кылааска үөрэнэ сылдьан
РСФСР оҕолорго чемпионнаабыта. Иван Охлопков спорт маастара,
Саха АССР көҥүл тустууга чемпиона, Гоша Корнилов элбэх күрэх-
тэһиилэргэ оройуон чиэһин элбэхтэ көмүскээбитэ. Атах оонньууту-
гар бары көрүҥнэринэн дэгиттэр оонньуура, куобахха республика
рекордун олохтуу сылдьыбыта. Альбина Корнилова, кэлин РФ уонна
СР үтүөлээх бырааһа, оскуолаттан саҕалаан, университет, оройуон
сүүмэрдэммит хамаандаларыгар киирэн, уонунан сылларга уһуннук,
ситиһиилээхтик кыттыбыта.
Оскуолатааҕы сылларбар мин 7-с кылаастан оскуола комсомоль-
скай комитетын чилиэнэ уонна 8-с кылаастан “Школьник” хаһыат
редактора этим. Тохсус-онус кылаастарга үөрэнэрбэр хаһыаппыт ху-
дожнигынан Николай Румянцев, биллиилээх архитектор, РФ Госу-
дарственнай бириэмийэтин лауреата буолбута, секретатыран Любовь
Бочкарева - Иванова, кэлин СР үтүөлээх үлэһитэ, мин - редактор
буолан, хаһыаппытын чертежнай наһаа чараас кумааҕыга, оччолорго
ватман көстүбэт этэ, иккис этээс көрүдүөрүгэр, кылаастар ааннарын
икки ардыларыгар, тиличчи ылар көстүүлээх гына оҥорорбут. Онно
оскуола олоҕун “Марека айан” күрэҕин, спортивнай күрэхтэһиилэр
түмүктэрин, оҕолор хоһооннорун, кэпсээннэрин киллэрэрбит, итиэн-
нэ көр-күлүү, сатира да уруһуйдарынан киэргэтиллэн иһэрэ.
Итини мин Иван Михайловичка сыһыаран, биир түгэни ахтаа-
ры киллэрдим. Ити ый ахсын тахсар хаһыаппытыгар учууталлартан
Анастасия Николаевна Ушницкая уонна Иван Михайлович Жирков
кытталлара. Анастасия Николаевна үөрэх чааһын сэбиэдиссэйэ буо­
лан быһаччы салайааччыбыт передовой ыстатыйалары, үөрэх ыйдаа-