Page 211 - Улуус спордун үйэтиппит учуутал, тренер. Иван Жирков

лоро олус иллээх этибит, кэккэлэһэ кураанах турар олбуорга мустан,
киэһэ хойукка диэри араас хамсаныылаах оонньуулары оонньуурбут.
Оскуолаҕа үөрэнэр кэмнэрбитигэр Иван Михайлович биһиги
оскуолабытыгар физкультура учууталынан таһаарыылаахтык үлэ-
лээбитэ. Биһиги кылааспытыгар быстах кэмҥэ физкультура уруо-
гун биэрбитэ. Кини уруоктара мэлдьи олус интэриэһинэй буолал-
лара, оҕолор бары сөбүлээн үөрэнэр этибит. Оскуолабытыгар араас
таһымнаах спортивнай күрэхтэһиилэр буолаллара, биһиги оскуола-
быт үөрэнээччилэрэ өрүү инники күөҥҥэ сылдьаллар этэ. Ол барыта
Иван Михайловичтаах сыралаах үлэлэрин түмүгэ буоллаҕа.
Биһиги чугас ыаллар буоламмыт, бэйэ-бэйэбитигэр өрүү сылдьы-
һар, үөрүүлээх да, хомолтолоох да кэмнэри бииргэ үллэстэр идэлээх
этибит. Сороҕор улахан бырааһынньыктары бииргэ ыларбыт. Онно
Мария Никоновналаах Иван Михайловичка тахсарбыт. Остуолга
олорон чэйдээн, кэпсэтэн, араас оонньууну оонньоон олус көрдөөх
күннэри атаарарбыт. Киэһэтин Иван Михайлович ракетницатынан
салют ытарбыт. Сайынын ыалларбыт биһигини сир аһыгар илдьэ
бараллара, үксүгэр отоҥҥо сылдьарбыт. Иван Михайлович отонньут
бэрдэ этэ, түргэнник үргүүрэ, биһиэхэ хойуу отонноох сири булан
ыҥыран үргэтэрэ.
Иван Михайлович дьону түмэр ураты дьоҕурдааҕа. Ол курдук,
90-с сылларга И.Иванов «Детка» үөрэҕинэн ууну куттан саҕалаабы-
та, дьоҥҥо сырдатан, тарҕатан, сыыйа элбээн, утумнаахтык, уһуннук
дьарыктаммыттара, доруобуйаларын бөҕөргөппүттэрэ, кинилэр ис-
тэригэр биһиги аҕабыт эмиэ баара. Кыһыҥҥы томороон да тымныы-
га тахсан тымныы биэдэрэлээх уунан куттан дьону сөхтөрөллөрө.
1996 сыллаахха Иван Михайлович биир интэриэстээх табаарыста-
рын түмэн «Абылаҥ» диэн дуобат, саахымат түмсүүтүн үлэлэппитэ.
Иллэҥ буоллулар эрэ оонньоон, күрэхтэһэн сэргэхсийэллэрэ. Сайы­
нын айылҕаҕа астаах-үөллээх тахсан дуоһуйа сынньанан, күрэхтэһэн
астынан кэлэллэрэ. Табаарыстарын үбүлүөйдээх дааталарын эмиэ би-
риистээх, мэтээллээх күрэх тэрийэн бэлиэтик атаараллара.
Күндү учууталбытын, чугас ыалбытын Иван Михайловиһы биһи-
ги мэлдьи истиҥник ахтыахпыт, холобур оҥостуохпут, кини биһиги
сүрэхпитигэр өрүү тыыннаах буолуоҕа.
Лариса Михайловна БУРЦЕВА, үөрэнээччитэ,
«Кэскил» оҕо садын методиһа. Ил Түмэн бэрэссэдээтэлиттэн хай-
ҕал суруктиах, улуус баһылыгыттан, үөрэхуправлениетыттан, Мүрү
дьаһалтатыттан бочуотунай грамоталардаих.