Page 216 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
эн-чэбдик буола улааппыппытыгар, биһиги көлүөнэ дьылҕабыты-
гар махтаныах кэриҥнээхпит дни саныыбын.
Биһиги 1999 сыллаахха Мүрү 2-с нүөмэрдээх орто оскуолатын
бүтэрбиппит. Сыл-хонук аастаҕын аайы, олоххо-дьаһахха бэлэмнээн
үөрэппит учууталларбытын истиҥник-иһирэхтик саныырбыт күүһү-
рэн иһэр эбит. Миэхэ сырдык өйдөбүлүм физкультура уруоктарын
кытта ситимнээхтэр эбит. Ол курдук, өрөспүүбүлүкэ биллиилээх
хайыһардьыттара уонна чэпчэки атлеттара Иван Михайлович Жир­
ков, Тамара Викторовна Глухова, кэлин Грианна Григорьевна Дьяч­
ковская биһиэхэ физкультура уруогун үөрэппиттэрэ.
Иван Михайлович эдэрдии эрчимнээх, куруук үөрэ-көтө сылдьар,
оптимист киһи этэ. Уруоктарын сопке тыыныы гимнастикатыттан
уонна уһугуннарар массажтан саҕалыыра. Эти-хааны уһугуннарар
тойон эрбэҕиҥ уҥуоҕунан муруҥҥа, хааска, илиигэ бэйэҕэ массаж
(точечнай) оҥорорго үөрэппитэ, ону билигин даҕаны туттабын. Дьэ,
чахчы киһиэхэ туһалаах хамсаныылар эбит.
Учууталбыт оҕоҕо элэккэй, сымнаҕас сыһыаннааҕа, ол эрээри
ирдэбиллээх этэ. Ү өрэнээччилэрин мөҕө-этэ сылдьарын көрбөтөҕүм
үрдүнэн, кини уруогар барыта бэрээдэк, уу-чуумпу буолара, ол иһин
биһиги сөбүлээн үөрэнэрбит. Ити буоллаҕа, Иван Михайлович
дьиҥнээх педагог буоларын туоһута! Оҕо дууһатын кылын сөпкө
таайан, уруогун былаанынан билиини-көрүүнү үгүөрүтүк биэрэр
улахан учуутал эрэ кыайар-хотор дьыалата буоллаҕа.
Мин уруок таһынан дуобат, саахымат күрэхтэһиилэригэр кыттар-
бар кини Роман Прокопьевич Петровтуун эрчийэр этилэр. Оҕолор-
го улуус саахьтмакка күрэхтэһиитигэр 3-с миэстэ буоларбар: сыыһа
хаампыт түгэннэрбин тута быһааран, сүбэлээн, кыайдахпына үөрэ-
көтө эҕэрдэлээн, ситиһиилээхтик кыттарбар кинилэр улахан күүс-
көмө, өйөбүл буолбуттара.
Аны оскуола иһинээҕи дуобат күрэхтэһиитигэр 9-11-с кылаас-
тар икки ардыларыгар Шура Гуляевалыын (кини 10 кылааска, мин
9-ка үөрэнэрбит) очкуобут тэҥнэһэн хаалбыта. Сирэй көрсүһүүбүт
тэҥнэһиинэн түмүктэммитэ. Онно Иван Михайлович үлэлиир хоһу-
гар иккиэммитин ыҥыран: «Перемена кэмигэр саҥаттан оонньуугут»,
- диэтэ. Киирсэн, эмиэ тэҥнэстибит. «Чэ, аныгы переменаҕа эмиэ кэ-
лээриҥ», - диэн буолла, ол аайы кэлэн оонньуубут эрээри, тэҥнэһэн
иһэбит. Онуоха, Иван Михайлович уп-улахан грамота таһаарда уонна:
«Дьэ, кыргыттар, ким кыайбыккыт бу грамотаны ылар. Аны манты-
быт биир эрэ, онон спорт сокуонун быһыытынан биирдэскит хайаан