Page 217 - Улуус спордун үйэтиппит учуутал, тренер. Иван Жирков

да хотуохтаах, биирдэскит хотторуохтаах», - диэтэ. Оннук эрэ гынан,
арааһа, миигин «кымньыылаата» быһыылаах. Мин кыайтарардыы кы-
таанах балаһыанньаҕа түбэһэн олорон, туох баар өйбүн холбоон, са-
наабын сааһылаан холкутуйан, атын учууталларым: «Олох да хоттор-
дууҥ», - диэн хомойон илиилэринэн сапсыйбыттарын кэннэ, эмискэ
быыһанар суолу тобулан, инники хардыыбын үчүгэйдик ааҕан-су-
оттаан кэбиһэн, кыайыылаах тахсан хааллым! Дьэ, кэмниэ-кэнэҕэс,
баҕалаах грамотабын ылан үөрбүппүн билигин даҕаны үөрэ-көтө
ахтабын-саныыбын. Онон Иван Михайлович оҕону түгэниттэн көрөн
сөпкө көҕүлүүр, санаатын көтөҕөн инникигэ эрэл кыымын саҕар, ту-
руоруммут сыалын-соругун хайаан даҕаны ситиһэргэ үөрэтэр туспа,
дьикти дьоҕурдаах учуутал эбит этэ. Ол иһин даҕаны кини оҕо аймах
чэгиэн-чэбдик буоларын гуһугар элбэх сыллаах, үтүө түмүктэрдээх
сыралаах үлэтин өрөспүүбүлүкэ, улуус салалталара сөпкө сыаналаан-
нар, үгүс ахсааннаах бочуоттаах ааттарынан, мэтээллэринэн наҕараа-
далаан бэлиэтээтэхтэрэ.
Иван Михайлович кэргэнэ Мария Никоновна юннатскай станция-
ҕа ыытар куруһуоктарыгар 6-с кылаастан сылдьан дьарыктаммыт
буоламмын, кинини эмиэ киэҥ билиитин-корүүтүн оҕолорго тарҕа-
тар, үөрэнээччилэргэ истиҥ, эйэҕэс сыһыаннаах педагог быһыытынан
билинэбин. Ол курдук, Мария Никоновна бэйэтин үөрэнээччилэрин:
кылааһынньыкпын Маша Бурцеваны, балтыбын Маша Шелковни-
кованы, дьүөгэбин Надяны Москва куоракка научнай-практическай
конференцияҕа илдьэ баран, ситиһиилээхтик кытыннартаан, бүтүн
Россиятааҕы үрдүк таһымҥа таһаартаан, оҕолор үөрүүбүт үгүс этэ.
Ол урукку ситиһиибитин кыргыттарым билигин даҕаны истиҥник
саныыллар. Онтон 11-с кылааска үөрэнэ сырыттахпына, тапталлаах
юннатскай станциям, миигин эмиэ дойдубут сүрэҕэр Москва куорак­
ка Кремль Елкатыгар үчүгэй үөрэхтээх уонна бастын общественник
диэн нутевканан наҕараадалаан ыыппыттарыгар үөрүүм муҥура суо-
ҕа! Онон ойор-тэбэр оҕо сааспыт үтүө да учууталлардаах, инникигэ
сирдээччилэрдээх буоламмыт, кыһалҕа диэни билбэккэ, оскуолаҕа си-
тиһиилээхтик үөрэнэн, үрдүк үөрэх кыһатын бүтэрэн, билигин дьон
тэҥинэн үлэлии-хамныы сырыттахпыт.
Түмүкпэр, ытыктыыр учууталларбытыгар, инникини түстээч-
чилэрбитигэр Иван Михайлович сырдык аатыгар уонна Мария Ни-
коновнаҕа сүһүөхтээх бэйэм сүгүрүйэн туран барҕа махтал тылла-
рын этэбин! Эһиги үүнэр көлүөнэҕэ оҥорбут үгүс үгүөрү өҥөҕүт,
үтүө-мааны холобур буолар дьиэ кэргэннии олоххут биһиги оҕолор-