Page 223 - Улуус спордун үйэтиппит учуутал, тренер. Иван Жирков

билиҥҥэ диэри ойуулаан көрөбүн, олус истиҥник саныыбын. Ол
курдук, биир күн стройдаан турдахпытына, биир-биир ким оҕото
буоларбытын ыйытта. Үксүн аҕаларбытын сураһар. Биһиги үгүспүт
төрөппүттэрбит кини үөрэнээччилэрэ буолалларын билэн сэргэх-
сийэ түстүбүт. Миигин: «Ээ, аҕаҥ курдук дьүһүннээх эбиккин,
мин үчүгэй үөрэнээччим этэ, чэ, кытаатан аҕаҥ курдук спортсмен
буолаар», - диэбитэ. Мин дьиэбэр тиийэн аҕабыттан ыйыппытым:
«Иван Михайлович эн учууталыҥ этэ дуо, мин эмиэ учууталым
буолла», - диэн сонуммун ыһа-тоҕо кэпсээбитим.
Кыргыттарга наһаа харыстабыллаахтьтк сыһыаннаһар этэ. «До-
руобуйаҕытын көрүнэ сылдьыҥ, бэргэһэҕитин, үтүлүккүтүн, халыҥ
ыстааҥҥытын кэтэ, шарфиккытын баана сылдььпг», - диэн мэлдьи
көрөрө-истэрэ. Уруоктарыгар биһигини дойдубут, норуоппут туһу-
гар дьиҥнээх патриот буоларбытыгар иитэрэ. Оскуола президенэ
буолан үлэлиирбэр оҕолору, дьону кытта сатаан алтыһарга, сыһыа-
ны олохтуурга, тэрээһиннэри ыытарга сүбэ бөҕө биэрэр этэ. Иван
Михайлович физкультура учууталларын кабинетын тэрийбитин өй-
дүүбүн. Кабинетыгар олордон спорка ситиһиилээх выпускниктарын
туһунан киэн тутта кэпсиирэ, кубоктарын, мэтээллэрин көрдөрөрө.
Учууталбыт уһуйуутунан чэпчэки атлетиканан, хайыһарынан, бас-
кетболунан умсугуйан туран дьарыктанарбыт.
Иван Михайлович хас биирдии оҕоҕо туспа ньымалаах, сыһыан-
наах этэ. Үөрэнээччитигэр үчүгэй өрүтүн булан, ону мэлдьи бэлиэтии
сылдьара. Бэйэтэ да тутта-хапта сылдьарынан, дьиссипилиинэтинэн
биһиэхэ холобур буолара. Учууталбытыттан бу диэн мөҕүллэ турар-
бытын өйдөөбөппүн эрээри, тоҕо эрэ толлор этибит. Учууталбытын
түһэн биэримээри, кини хараҕар үчүгэй киһи буолаары кыһалларбыт.
Уолаттардыын, кыргыттардыын бары да физкультура уруогар үөрэ-
көтө үөрэнэрбит, Иван Михайловичпытын наһаа убаастыырбыт.
Үлэ үгэнигэр олохпут ааһара түргэнин... Истиҥник саныыр дьом-
мут суох буоллахтарына, биирдэ түгэн булан өйдүүр эбиппит. Эдэр
сылдьан, чугас дьоммут бу сиргэ букатыннаахтык кэлбиттэрин кур­
дук санаан, «чэ, кэлин, чэ, эһиил» диэнинэн муҥурданан, сыл-хонук
ааспытын да билбэккэ хаалабыт. Дьиҥэр, киһи тыыннааҕар махтал
тыллары истиэхтээх, үлэтэ сыаналаныахтаах.
Үөрэммит, олох киэҥ аартыгар үктэннэрбит Мүрү 2 №-дээх орто
оскуолабар, директордарбар Иван Петрович Матвеевка, Иннокентий
Иннокентьевич Тарскайга, Владимир Иннокентьевич Колесовка, за-
вучпар, учууталбар Клара Николаевна Троеваҕа, учууталларбар Иван