Page 226 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
дэрэлээх ууну үрдүлэригэр кутталларын сөҕө көрөрүм.
Иван Михайлович дуобаты, саахыматы сөбүлээччилэр түмсүүлэ-
рин тэрийбитэ. Куораттан дойдутугар кэллэҕинэ, сайын аайы айыл-
ҕаҕа тахсан дуобакка, саахымакка күрэхтэһэн астынан, дуоһуйан кэ-
лээччилэр. Ити курдук, Иван Михайловичпыт дьону наар үчүгэйгэ
эрэ көҕүлүүр ураты талааннаах этэ.
Күндү чугас ыалбын, убаастыыр учууталбын Иван Михайловиһы
куруутун ахта, саныы сылдьыаҕым! Мин өйбөр, сүрэхпэр өрүү, мэл-
дьитин тыыннаах буолуоҕа!
Мария Михайловна РУМЯНЦЕВА (БУРЦЕВА),
Муру 2-с нүөмэрдээх орто оскуолатын
1999 сыллаахха бутэрбит выпускница.

Ахтыахпыт-саныахпыт,

умнуохпут суоҕа

Сыл-хонук аастаҕын ахсын оскуолаҕа үөрэммит сылларбытын,
учууталларбытын олус күндүтүк ахтабыт-саныыбыт! Биһиги элбэх,
ис дууһаларыттан үөрэтэр, оҕолорго чиҥ билиини биэрэр учуутал-
ларга үөрэммиппит, иитиллибиппит. Олортон биирдэстэринэн физ-
культурабыт учуутала Иван Михайлович Жирков буолар. Үтүө да
киһи, учуутал этэ... Кини хас биирдии оҕоҕо олус болҕомтолоохтук
сыһыаннаһара. Уруокка эти-хааны сылытар хамсаныыта, эрчийиитэ
өйбүтүгэр-санаабытыгар билиҥҥэ диэри хаалбыт эбит... Тарбаҕыҥ
төбөтүнэн этиҥ-сииниҥ чопчу туочукаларын ааларга (точечный мас­
саж) үөрэппитин баччааҥҥа диэри туһанабыт, оҕолорбутугар үөрэ-
тэбит. Санаабытыгар, ыарыы чэпчииргэ дылы буолар.
Физкультура уруогун кыайбат оҕолорго туспа сыһыаннаах этэ.
Кыайбатаххына, санааҥ түстэҕинэ хайгыыр этэ: «Бүгүҥҥү көрдөрүүҥ
уруккугунааҕар ордук буолла! Кытаат, дьиэҕэр дэлби дьарыктан!», -
диирэ. ГТО комплексын нуорматын сорох оҕолорбут сатаан туттар-
батахтарына, күүс-кыах төһөтүн учуоттаан, туттара сатыыр дьулуур
таһымын көрөн, өрө тардара. Билигин санаатахха, ол саҕана «Инди­
видуальный, дифференцированный подход» диэн билигин үөдүйбүт
методиканы туттар эбит. Хас биирдии оҕо физкулыураҕа инники
барарыгар, сайдарыгар стимул биэрэр эбит этэ. Биһиги кылаас физ­
культура уруогар үөрүүнэн баран үөрэнэрбит. Оҕолорбут ортотугар
улуус чиэһин көмүскүүр элбэх спортсменнар бааллара. Кылааспыты-