Page 243 - Улуус спордун үйэтиппит учуутал, тренер. Иван Жирков

учууталларын күрэхтэһиилэригэр: дуобакка - В.В. Копырин, А.Н.
Басыгысов, Ю.А. Бурнашев, А.В. Шарин, саахымакка- В.И. Охлоп­
ков, Д.Е. Бурнашев, М.Н. Иванов уонна И.М. Жирков ситиһиилээх-
тик оонньуурбут.
Бастаан көннөрү мустан оонньуур эрэ буоллахпытына, 1996 сыл-
лаахха Иван Михайлович уонна Василий Иванович «Абылаҥ» диэн
ааттаах саахымат, дуобат кулуубун тэрийбиттэрэ. Маҥнайгы оон-
ньооччуларынан иккис оскуола үлэһиттэрэ буолбуппут, ыйга биирдэ
түмсэрбит, усунуос төлүүрбүт, күрэхтэһиилэри тэрийэрбит, кыа-
йыылаахтарга бириистэри туттарарбыт. Бу курдук кулууппут үлэтэ
тэтимнээхтик уонна сэргэхтик саҕаламмыта.
Иван Михайлович 2003 сыллаахха кулууп чилиэннэригэр анал-
лаах удостоверениены үөрүүлээх быһыыга-майгыга туттарбыта.
Бу докумуоммут эскиһин Михаил Афанасьевич Бурцев уруһуйдаан
биэрбитин, ксерокопиялаан барыбытыгар тарҕаппыттара.
Аны мунньахтаан, ырытан устаап ылыммыппыт. Кулууп чилиэ-
нин эбээһинэстэрэ маннык этилэр:
1. Чөл, доруобай олоҕу тутуһуу;
2. Саахымат, дуобат, уксаан оонньуутун тарҕатыы;
3. Ыытыллар тэрээһиннэргэ актыыбынайдык кыттыы;
4. Кулууп ыытар үлэтэ тупсарыгар бэйэ кыаҕынан көмөлөһүү.
Кэлиҥҥи сылларга Иван Михайлович кэргэнинээн Мария Ни-
коновналыын кыһынын куоракка киирэн кыстыыр буолбуттара,
ол кини доруобуйатын туругуттан сылтаан этэ. Ол иһин, биһиги
Анатолийдыын саас эрдэ кинилэр булуустарыгар муус тиэйэн аҕа-
лан угарбыт. Онно аҕа табаарыспыт Иван Михайлович олус үөрэрэ
уонна: «Уолаттарым барахсаттар, көмөлөһөн абыраатыгыт!» - диэн
махтанара. Сайын паром сырыыта саҕаланнар эрэ. дойдуларыгар кэ-
лэллэрэ. Дьэ, оччоҕо кинилэр тэлгэһэлэригэр баар остуоллаах ыска-
мыайкаҕа саахымат, дуобат, уксаан оонньуута саҕаланара.
Онтон уопсай түмсүү үгэс курдук айылҕаҕа буолара. Онно биир
эмит киһи үбүлүөйүн бэлиэтээһин буоллаҕына, Иван Михайло­
вич тэрилтэлэртэн грамота, бириис ситиһэн, юбилярга туттаран
үөрдэрэ. Юбилярга бары кыттыспыт бэлэхпит ананара уонна юби­
ляр оонньуу кыайыылаахтарыгар бириис бэлэмнээбитин туттартыы-
ра. Дьэ, ити курдук оонньуубутун астыктык түмүктүүрбүт.
2004 сыллаахха сайын Иван Михайлович «Уус Алдан чулуу
спортсменнара (ХХ-с үйэҕэ» диэн бэйэтэ хомуйан бэчээттэппит ки-
нигэтин барыбытыгар соһуччу бэлэхтээн үөрдүбүтэ. «Абылаҥ» 10