Page 248 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

2016 сыллаахха аҕам бирииһигэр хайыһарга улуус оҕолорун
күрэхтэһиитин Тумулга тэрийэн ыыппыппар, Иван Михайлович
куораттан айаннаан кэлэн, доҕорун туһунан иһирэх ахтыы оҥорбу-
та. Бэйэтэ улахан учуутал быһыытынан үөрэнээччилэргэ туһаайан,
спорду уонна чөл олоҕу өрө туталларыгар ыҥырбыта уонна: «Биир
дойдулааххыт - Спиридон Петрович Алексеев курдук ыраас суо-
бастаах, барыга бары кыайыгас дьон буолуҥ!» - диэн кэс тылын этэн
алҕаабыта. Ол түгэҥҥэ, мин аҕам туһунан үтүө тыллары Иван Ми­
хайлович курдук хайыһар спордун эйгэтигэр киэҥник биллэр киһит-
тэн истэрим, долгутуулаах да, астык даҕаны этэ!
Иван Михайлович Уус Алдан спорда сайдарыгар элбэх кылаа-
тын киллэрбит киһи буолар. Бэйэтэ оройуон, өрөспүүбүлүкэ чиэһин
хайыһарга элбэх күрэхтэһиилэргэ ситиһиилээхтик көмүскээбитэ,
ССРС спордун маастарыгар кандидат, оччолорго бу ааты ылыы ыа-
рахан кэмигэр буолбута туоһулуур. Аны бэйэтэ күрэхтэһэн бүтэн,
тренер быһыытынан элбэх оҕону дьарыктаан хайыһар аартыгар таһа-
арбыта. Кини эрчийбит үгүс үөрэнээччилэрэ төрөөбүт оройуонна-
рын, бүтүн Саха сиригэр аатырдыбыттара, сорохторо өрөспүүбүлүкэ
сүүмэрдэммит хамаандатын чилиэннэрэ буолан, Арассыыйа үрдүк
таһымыгар сүүрбүттэрэ.
Иван Михайлович бочуоттаах сынньалаҥҥа тахсан баран улуус-
пут спорка историятын, чаҕылхай сулустарын туһунан энциклопе-
дическай хабааннаах «Уус Алдан чулуу спортсменнара (ХХ-с үйэ-
ҕэ)» диэн кинигэни бэлэмнээн, бэчээттэтэн таһаарбыта. Бу кинигэ
улууспут спордун эйгэтигэр улахан биһирэбили уонна сэргэхсийии-
ни таһаарбыта. Өссө лаппыйан, 2022 сылга Бороҕоҥҥо ыытыллыах-
таах Саха сирин норуоттарын спортивнай оонньууларыгар анаан
спорт бэтэрээннэрин туһунан 218 киһи ахтыытын хомуйан, быйыл
саас бэчээккэ бэлэмнээн редакцияҕа туттарбыт. Бу үтүмэн үгүс үлэ-
тин үтүө түмүгүн көрбөккө уонна дойдубутугар буолар сүҥкэн спорт
бырааһынньыгар тиийбэккэ олохтон туораабыта олус хомолтолоох...
Ытыктабыллаах Иван Михайловиһы төрөөбүт дойдутугар Уус
Алдаҥҥа таһыччы бэриниилээх чулуу спортсмен, дьоҕурдаах тириэ-
ньэр уонна улахан учуутал быһыытынан ааҕабын. Миэхэ кини ку-
руук сырдык сулус, чаҕылхай холобур буола туруо!
Петр Спиридонович АЛЕКСЕЕВ,
атах оониьууларыгар СР спордун маастара,
Уус Алдан улууһун, Бороҕон нэһилиэгин бочуоттаах
олохтооҕо, урбаанньыт, меценат, «Стройград»
эргюн дьиэтин «Линолеум и двери» маҕиһыын дириэктэрэ.