Page 240 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

сылдьар дьонугар эрэллээх табаарыс этэ. Ким эмэ көмөҕө наадый-
даҕына, хаһан баҕарар көмөҕө кэлэрэ баар суол. Ону мин эмиэ бил-
бит буоламмын, киниэхэ махтанарым улахан. Оннооҕор хайдах да
үлэ үөһүгэр сырыттар, Иван Михайлович быыс, соло булан, толору
комплектаах саахымат остуолун оҥорон бэлэхтээн соһутан, үөрдэн
турардаах. Итинник оҥоһук мээнэ баар буолбат, чахчы элбэх үлэт-
тэн, сатабылтан, сыраттан тахсар дьыала.
Мин өссө төгүл Иван Михайлович дьиҥнээх киһи киһитэ, эрэл­
лээх доҕор-атас этэ диэн бигэргэтэбин. Кини ааспыт олоҕо дьиҥнээх
холобур буола сырыттын, аата ааттана турдун диэн баҕарабын.

Иннокентий Степанович ГОГОЛЕВ,
тыыл, үлэ уонна спорт бэтэрээнэ, «Уус Алдан улууһун
социальнай-экэнэмиичэсюй сайдыытыгар кылаатын иһин» бэлиэ-
лээх, Муру нэһилиэгин Ытык Субэтин чилиэнэ, саахымакка республи-
катааҕы категориялаах судьуйа, саахымакка
I разрядтаах, Муру нэһилиэгин бочуоттаах олохтооҕо.

«Абылаҥ» кулуубу төрүттээбитэ

Мин бастаан Уйбааны 1982 сыллаахха Мүрү 2
№- дээх оскуолатыгар үлэлии киирэн баран ыкса
билсибитим. Бу сымнаҕас майгылаах, кэпсэтин-
ньэҥ, ис киирбэх киһини тута чугастык ылым-
мытым. Кини переменаҕа мээнэ учительскайга
сылдьыбата, ол кэриэтэ оҕолору кытта истиҥник
кэпсэтэрэ, уруокка бэлэмниирэ, таҥастарын-сап-
тарын бэрэбиэркэлиирэ. Физкультура уруогар
туттуллар снарядтары, мээчиктэри көрөрө, саас
хайыһардары бэлэмниирэ, маастаан, оҥорон биэрэрэ. Бэйэтэ би-
эрэр уруоктарыгар үөрэнээччилэрин кытта тэҥҥэ сылдьара, сүрдээх
ирдэбиллээх, ол гынан баран, була сатаан оҕолору мөхпөт-эппэт
учуутал этэ.
Иван Михайлович барыга бары дьоҕурдааҕа, сатаабатаҕа диэн
суоҕа. Холобур, 1982 сыллаахха оскуола физзалын муостатын
өрөмүөнүн маастардаан салайан үлэлэппитэ. Аны, сайын аайы оску­
ола эр дьоно Мүрү эбэҕэ, «Маяк» сопхуоска бэриллибит былааннаах
оппутун оттуурбут. Онно саамай төһүү үлэһиппит Иван Михайло­
вич буолара. Кини илии хотуурунан олус үчүгэйдик охсоро, бары-