Page 260 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Улуу сэриитин кэнниттэн, олоҕу саҥа чөлүгэр түһэрии сыллары-
гар, Мүрү орто оскуолатыгар үөрэнэ кэлбитэ. «Оройуон нэһилиэк-
тэригэр Мүрүгэ киирэн үөрэниэн баҕалаах оҕолор элбэхтэр этэ
даҕаны, барыларын баҕалара туолбатаҕа... Оччолорго Мүрү орто
оскуолата 1950-1960 сылларга 100 миэстэлээх интэринээт дьиэтэ
тутуллан үөрэнэр кыахтаммыппыт, биһиги иннинээҕи көлүөнэттэн
төһөлөөх элбэх дьоҕурдаах, үөрэххэ баҕалаах ыччат оскуола таһы-
гар хаалбыттара буолуой?.. Ол барыта сэрии кэмин содуллара буол-
лаҕа. Мин абаҕам Андрей Васильевич Жирков Бороҕоҥҥо 1936
сыллаахха Мүрү оскуолатыгар дириэктэрдии олорон, гражданскай
сэрии Геройа Г.В. Егоров көмөтүнэн, икки этээстээх мае оскуола-
ны туттарбыта. Онтон Андрей Григорьевич Никифоров оскуолаҕа
дириэктэрдиир кэмигэр, Томтор бөһүөлэгиттэн уолаттар, кыргыттар
олорор 100 миэстэлээх интэринээт дьиэтин Бороҕоҥҥо көһөрөн кил-
лэрэн туттаран, биһиги көлүөнэ ыччаттан элбэх оҕо буолан Мүрү
орто оскуолатын бүтэрбиппит, сорохторбут салгыы үөрэнэн, үрдүк
үөрэхтээх дьон буолбуппут», - диэн бэйэтин ахтыытыгар мин аҕабар
махтанан турар.
Иван Михайлович 1967-1970, 1987-1990 сылларга Бороҕоннооҕу
Е.Ф. Габышев аатынан оҕо спордун оскуолатын дириэктэринэн тах-
сыылаахтык үлэлээбитэ. 1971 с. хайыһар тренеринэн үлэлиир сылла-
рыгар Аччыгый алааска хайыһар баазатын тутан, үлэҕэ киллэрбитэ.
Хайыһар баазата тутуллуоҕуттан, оройуон эдэр хайыһардьыттарын
ситиһиилэрэ сылтан сыл аайы тупсан испитэ. Хайыһар филиаллара
нэһилиэктэргэ аһыллыбыттара. Бу кини тренер быһыытынан үлэтин
түмүктэрэ буолбуттара. 1980 сыллаахха Мүрү 2-е №-дээх орто оску­
олатын физкультура учууталынан үлэтин саҕалаабыта. Учуутал-ме-
тодист, «Саха-Азия оҕолоро» фонда стипендиата буолары ситиспитэ.
Биири бэлиэтиэхпин баҕарабын, ити кэмнэргэ мин үөрэх улуус-
тааҕы салаатыгар физкультура методиһынан үлэлии кэлбитим. Иван
Михайлович үлэтин уопута оройуоҥҥа, өрөспүүбүлүкэҕэ киэҥ-
ник тарҕаммыта. Үөрэх министерствотын ыытар педагогическай
ааҕыыларыгар, СӨ физкультура уонна спорт министерствота ыытар
үөрэнээччилэр спартакиадаларыгар, үөрэхтээһин Национальнай
концепциятын олоххо киллэриигэ суруйбут дакылаата биһирэм-
митэ. 2009 сыллаахха Бүлүүгэ, 2014 сыллаахха Чурапчыга ыытыл-
лыбыт «Манчаары оонньуулара» быыстапкаҕа Иван Михайлович
дакылаата, үлэтин уопута «Саха ыччатын эт-хаан өттүнэн иитиигэ
физкультура нормативтарын» үс сүһүөҕүнэн оҥорон, Чурапчытааҕы