Page 264 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Түөлбэбит бастыҥ ыаллара

Иван Михайлович Жирков Мүрү нэһилиэгин
илин өттүгэр «Маяк» түөлбэҕэ олорбута. Кини
олоҕун туһунан, улахан спортсмен быһыытынан
спорка ситиһиилэрин туһунан сүрдээх элбэх ах-
тыылар хомулуннулар. Мин бу ахтыыбын, Иван
Михайлович чуолаан олорор түөлбэтигэр, нэһили-
эккэ ыытыллар общественнай үлэлэргэ кыттыытын
туһунан суруйабын.
Биһиги түөлбэбитигэр 120-н тахса ыал олорор,
киһитин ахсааныгар таһаардахха, бэйэтэ туспа кыра дэриэбинэ саҕа.
Мүрү нэһилиэгэр ыытыллар общественнай үлэлэр улахан аҥаара
түөлбэ олохтоохторун кыттыыларыттан тутулуктаах.
Иван Михайлович дьиэ кэргэнэ түөлбэҕэ биир бастыҥ активнай
олохтоохтор буолаллар. Нэһилиэк иһинэн урукку сылларга түөл-
бэлэр икки ардыларыгар спортивнай күрэхтэһиилэр ыытыллаллар
этэ. Бу күрэхтэһиилэргэ дуобакка Иван Михайлович кыттара. Ол
курдук, кини «Абылаҥ» диэн дуобатчыттар уонна саахыматчыттар
кулууптарын тэрийэн уһун сылларга салайбыта. Кулууп иһинэн
сүрдээх үгүс күрэхтэһиилэри тэрийэн ыытара үгэскэ кубулуйан, би-
лигин даҕаны ол күрэхтэһиилэр сыл ахсын ыытыллан кэллилэр.
Иван Михайлович иллэҥ кэмигэр өссө уһанарын сөбүлүүр буо-
лан, улууска ыытыллар бэтэрээннэр ыһыахтарыгар мае оҥоһуктары
көрүү күрэххэ бастакы миэстэни ылан турар. Бу оҥоһуга көрүөхтэн
үчүгэй, кэрэ этэ: дуобат дуоската сирэйдээх, онно саахымат фигура-
ларын эбии оҥорон, чахчы даҕаны ураты дьоҕурдааҕын көрдөрөн,
бастакы миэстэни ылыан ылбыта. Кини ити уһанар дьарыгын
таһынан хоһоон суруйар буолан, эмиэ кэнники ыытыллыбыт бэ­
тэрээннэр ыһыахтарыгар хоһоонньуттар куонкурустарыгар кыттан
эмиэ бастаан турурдаах.
Саха сирин ХХ-с үйэ чулуу спортсменнарын ахсааныгар киир-
бит биһиги биир түөлбэлээхпит Иван Михайлович араас дэгиттэр
дьоҕура хааһахха кистэнэ сылдьар кэриэтэ, сылтан сыл ахсын үк-
сээн иһэрэ, дьону-сэргэни сөхтөрөрө. Олорор түөлбэтигэр ыытыллар
араас тэрээһиннэргэ куруук бастакынан кыттан дьону көҕүлүүрэ.
Бу суруйа олорон санаан кэллим, урукку сылларга Иван Ми­
хайлович Иван Иванович Кирилловтыын саас, сайын аайы ардахха
алдьанар «Кыракый Оҕуруоттаах» дэнэр уулуссабытын оҥотторор