Page 314 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер

Аймахтар 2018 с.

Онно, ыарахан дьахтар улааппыт иһин чугастан саҥа көрөн, олуһун
куттанар этим, бу «пас»гынан хаалыах курдук саныырым. Онтон
кыра саҥаһым Мотя ыал буолан кэлэригэр, мин хайы-үйэ үлэһит,
ыал киһибин. Мотя бэйэтэ кырачаан уоллаах кэлбитэ, Кирилл диэн
көрүдьүөс киһичээн. Дьонун сыбаайбаларыгар, ортолоругар олорбу-
та. Убайбын холбоһуохтарын да инниттэн «паапа» диэбит этэ. Кыра
убайым иннинэ, мин дьоммор «талах курдаах Таатта уолун» күтүөт-
тэппитим. Оттон кыра балтым, биһиги сыбаайбабытыгар күтүөт
уолу сиэтэн аҕалан билиһиннэрбитэ. Дьэ, ити курдук биһиги, бииргэ
төрөөбүттэр, бары ыал буолбуппут.
Күтүөтүм Иван Михайлович биһиги дьиэ кэргэнҥэ, спортсмен-
спортсмен курдук гүргэн-тарҕан соҕустук киирэн хаалбыта. Кини-
ни, хара кэлиэҕиттэн, дьонум олус сөбүлээбиттэрэ, убаастыылла-
ра. Тыла-өһө олохтооҕунан, кэпсэтинньэҥинэн аҕабытын Ньыыкан
оҕонньору астыннарара. Бастаан кэлэригэр матассыыкылынан кэл­
битэ. Мин оччолорго Бороҕон диэн сир ханна баарын да билбэт
киһи буоллаҕым дии. Хантан эрэ наһаа ыраах дойдуттан матассыы­
кылынан кэлбит бухатыыр дуу, олус харса суох хорсун киһи дуу, кур­
дук сыаналаабытым.
Дьэ, сыбаайбаҕа бэлэмнэнии буолла. Сыбаайба чугаһыгар оҕонньо-
ру үптээн куоракка ыыттылар. Фрукта, оҕуруот аһа ылан кэлиэхтээх.
Оччолорго куорат баһаарыгар эрэ баар ас. Оҕонньорбут кэлиэхтээх
күнүгэр кэлбэтэ. Ийэлээх эдьиийбит кэтэһэллэр аҕай, киһилэрэ мэли-
гир. Балаҕаннарыгар киэһээ тахсан ботур-итир кэпсэтэллэр, киһилэ-