Page 318 - Улуус спордун үйэтиппит учуутал, тренер. Иван Жирков

Улуус спордун үйэтиппит учуутал, тренер
Өссө миигин кыыспынаан саахымакка, дуобакка оонньуурга
үөрэтэрэ. Дьиэбит аттыгар күөл баара, онно саас аайы тахсан ха-
йыһардыыр этибит. Мин доруобуйабынан мөлтөх киһи, син хаал-
сыбакка бэркэ хайыһарга турар буолбутум. Күтүөт мындыр өйдөөх,
үтүө көнө санаалаах киһи сэмэлиир-этэр буоллаҕына, барыта дьыа-
латыгар буолааччы.
Түмүкпэр, оҕобун Аннушканы көрөн-истэн, үөрэтэн улаатын-
нарбыттарыгар, аны бэйэтэ куоракка бас билэр дьиэлэнэригэр
көмөлөспүттэригэр күтүөттээх эдьиийбэр барҕа махтал тылларын
аныыбын. Олохпут устатын тухары күндү күтүөппүтүн Иван Ми-
хайловиһы мэлдьи сылаастык ахта-саныы сылдьыахпыт.

Прасковья Никоновна ХАРИТОНОВА,
библиотекарь, биэнсийэлээх.

Күтүөппэр махталым муҥура суох

Мин эдьиийдээх күтүөккэ ийэбин кытта кэлэн
олорон, иитиллэн улааппытым. Күтүөппүн бас-
таан наһаа кытаанах характердаах, тыйыс киһи
курдук көрбүтүм, куттанар курдук этим. Сайы-
нын, үөрэхпэр мөлтөх буоламмын, эдьиийим үөрэ-
тэр буолара, эбиэт кэннэ 1-2 чаас күҥҥэ хайаан да
үөрэнэр этибит. Ону сороҕор эдьиий өйдөтө сатаан,
мөҕөн эҥин ылар буолара, хата, ону күтүөтүм мии­
гин көмүскэһэн ылар этэ.
Күтүөт сайыннары, кыһыннары наар тугунан эмэ дьарыктаах буо­
лара, бу санаатахха, кини дьыалата суох олорбутун олох өйдөөбөп-
пүн. Иван Михайлович сатаабата диэн суоҕа, ас астыыра, маһынан
уһанара, кинигэ суруйара, хаһыаттарга араас ыстатыйа таһаарара.
Миэхэ анаан этэрэ: «Аннушка, кэргэн тахсар буоллаххына, мин кур­
дук, барытын сатыыр киһиэхэ тахсаар», - диирэ.
Сайынын аан бастаан отоннуу барарбытыгар, мин хаһан да отон-
ноон көрө илик киһи бытааным сүрдээҕэ, «үтүлүктээх отонньут
эбиккин» дииллэрэ, күтүөт хайдах түргэнник үргүүрү үөрэппитэ,
онтон аҕыйах сылынан син бэркэ сир астыыр буолбутум. Оскуолаҕа
үөрэнэ сылдьан араас куонкурустарга, конференцияларга кыттарым,
биир оннук куонкуруска «Учитель, перед именем твоим» диэҥҥэ