Page 315 - Улуус спордун үйэтиппит учуутал, тренер. Иван Жирков

рин мөҕүттэллэр. Хаһыс күн түүнүгэр эбитэ буолла, ампаарбытыгар
утуйан эрдэхпитинэ, арай тэлгэһэбит иһэ дьон саҥатынан туола түстэ,
бары ойон туран таһырдьаны былдьастыбыт. Тэлгэһэ ортотугар аҕа-
бытын кытары Бытык Дьөгүөр хаама сылдьар эбит. Дьэ, үөрүү-көтүү
үрдэ суох, сэргэхсийии буолла. Кэлин билбитим, оҕонньор эрэйдээҕи
куорат урдустара харчытын халаан, чаһытын быһаҕынан быһан ылал-
ларыгар харытын бааһырдыбыттар. Инньэ гынан Дьөгүөр үптээн,
аһын-үөлүн ылан кэлбиттэр эбит. Аны сыбаайба күн биир мучумаан
буолан ылла. Сыбаайба чааһа чугаһаата, күтүөппүт суох. Адьаһын
сыбаайба чааһын чугаһыгар тиийэн кэллэ быһыылааҕа. Элбэх ыал-
дьыттаах улахан уруу буолбута. Уруу сарсыныгар сып-сап хомунан,
дьоммут Бороҕонноон хааллылар. Дьэ, ол наһаа хомолтолоох этэ, ити
үлүгэр бырааһынньык кэннэ эмискэ, уу чуумпу буолан хаалбыта. Ол
быыһыгар мин сайыстым игин быһыылааҕа...
Онтон дьоммут Бороҕоҥҥо олохсуйан, биһиэхэ хам-түм ыалдьыт-
таан ааһар эрэ буоллулар. Кэллэхтэринэ улахан үөрүү, сэргэхсийии
буолара. Арай, мин эдьиийдээх күтүөппэр элбэхтик сылдьарым.
Ленка төрөөбүт сылыгар сайын баран сайылаабытым, онно дьонум
иккиэн үлэлииллэрэ. Күтүөтүм сайынын даҕаны оҕолору дьарык-
тыыр этэ. Хаһан эмэ өрүүр курдук өйдөөбөппүн, кэлин да хам-түм
сылдьарым. Соҕуруу институкка үөрэнэр сылларбар каникулга кэ-
ллэхпинэ сылдьарым. Ол кэмнэргэ кинилэр истипиэндьийэлииллэр
этэ. Ол быыһыгар эдьиийим Танялаах почтанан перевод ыыталлара.
Онон үөрэнэр кэмнэрбэр харчынан тутахсыйбатаҕым. Кыһын кэли-
им, сайын кэлиим, күтүөттээх эдьиийим наар үлэлэригэр сылдьар
буолаллара.
1985 сыллаахха Бороҕоҥҥо көһөн кэллибит. Аҕабыт урут кэл-
битэ. Икки биллэхтиилэр дьэ, онтон ыла чугастык билсибиттэрэ,
доҕордоспуттара. Наһаа убаастаспыттара. Иван Михайлович элбэх
сүбэтэ-амата Киэсэҕэ туһалыыра. Киэсэ өрөбүлүгэр дьонугар тиий-
дэҕинэ, Уйбаан душтанар уу сылытан, киһитин кэтэһэн аҕай көрсөр
эбит, өөр да өр кэпсэтэллэр, күтүөт наар сүбэлиир-амалыыр аҕай,
Киэсэ туһугар кыһаллан бөҕө буолар эбит.
Бьтрааһынньыктарга хайаан да дьоммутугар тиийэбит. Саҥа
Дьылга күтүөтүм Дед Моруос буолара. Оччолорго уолаттарбыт
детсаад дьоно. Биирдэ улахаммыт Петя Дед Моруоспутун эргийэ
көтө сылдьан көрдө аҕай, онтон «күтүөт Баанньа этэрбэһэ!», - диэн
хаһыытаата. Ону күтүөт Моруостаан бүтэн киирэн баран, «Мо-
руоспут мин этэрбэспин кэтэн баран хаалбыт дии», - диэн муннаран