Page 25 - Уйэ анаара тустуу сайдыытыгар

Биир бастыҥ үөрэнээччим Бүлүү ыччата Винокуров Саша
үөрэммит-улааппыт сиригэр Курбуһахха олохсуйан олорор, он-
нун-олоҕун булла, саныырга үчүгэй.
Быйыл Наум Егорович тэрийбит филиала үлэлээбитэ 50 сыла
буола охсубут эбит. Сыл-хонук түргэнник ааһар, билигин уолат-
тарым бэйэлэрэ ыал аҕалара, эһэлэрэ буолан олороллор. Үксүлэрин
билигин көрдөхпүнэ да билбэтим буолуо, сыл-хонук аастаҕа. Бу
кылгас ахтыыга барыларын суруйар кыах суох, онон уолаттарым
хом санаамаҥ, сүрэхпэр-быарбар син биир өрүү бааргыт - Пухов
Мичил, Аммосов Максим, Васильев Борис, Бысыин Рома, Соф­
ронов Саша, Копырин Айсен, Коля, Пестряков Сергей, Пудов
Салвич, Федоров Вася, Никитин Вася, Томскай Витя, Сергеев
Миша, Макаров Ганя, Бочкарев Саша, Бурнашев Айаал, Пухов
Толя, Окоемов Саша, Кеша, Окоемов Витя, онтон да атыттар.
Филиал 50 сылынан эрчиллибит, үөрэммит оҕолору, үлэлээбит
тренердэри барыгытын бу бырааһынньыгынан эҕэрдэлиибин,
дьолу-соргуну баҕарабын.

Окоемов Алексей Николаевич,
филиал 1980-2000 сс. тренерэ,
көнул тустууга ССРС спордуи маастара,
РСФСР үөрэҕириитин туйгуна,
ДСО «Урожай» бочуоттаах чилиэнэ.
2023 с.

Наумнуун алтыһыы

Былыр-былыргыттан саха эр киһитэ, уол оҕото күүстээх-
уохтаах, быыппастар былчыҥнаах, дараҕар сарыннаах, бөҕө-
таҕа көрүҥнээх буолуон баҕарара. Мин эмиэ, саха уола буоларым
быһыытынан, кыра эрдэхпиттэн күүстээх, быһый дьон тустарынан
үһүйээннэри кэпсээннэри сөбүлээн истэрим, ааҕарым уонна ол
күүстээх-уохтаах дьон курдук буоларга дьулуһарым.

23