Page 24 - Уйэ анаара тустуу сайдыытыгар

тэ буолан кэлбитэ, кэлин Манчаары оонньууларыгар икки төгүл
миэстэлэһэн хапсаҕай маастара буолары ситиспитэ. Егоров Ни­
кита «Спартак» общество Россиятааҕы күрэхтэһиитин призера,
республика чемпиона буолбута. Республика чемпионнарынан
кэккэ сылларга Ермолаев Саша, Ермолаев Андрей, Ермолаев Сеня,
Егоров Никита, Сергеев Миша, Пудов Салвич, Пестряков Сергей
буолбуттара. «Трудовые резервы» Россиятааҕы күрэҕэр Татари­
нов Сергей чемпионнаабыта. Сергейы бэйэм үөрэммит, үлэлээбит
куораппар Красноярскайдааҕы политехническэй институкка
киллэрбитим. Тустуох киһи быраата Ганя армияҕа сылдьан оһол-
го түбэһэн быстах дьылҕаланан хаалан, Сергей быраатын харайа
кэлэн баран төннүбэтэҕэ, игирэлэр буолан улаханнык оҕустар-
быта, билигин этэҥҥэ үлэлии-хамсыы сылдьар, оҕо-уруу бөҕө.
Чахчы тустуохтаах уол хаалбыта.
Билигин сааһыран олорон ахтан-санаан ааһар оҕом элбэх эбит.
Мэҥэ Хаҥаласка Дядя Вася автобуһунан баран иһэн, Алексан­
дров Коля эбэтэ Балыктаахха олорорун билэн, көрдөөн уолбутун
көрүһүннэрбиппит. Курбуһахха кэлиэр диэри эбэтэ көрбүт эбит.
Уолбут ытаан, эбэбит ытаан, нэһиилэ уоскутан илдьэ барбыппыт,
билигин ону өйдүүрэ дуу, суоҕа дуу.
Хас да сыллааҕыта манна Курбуһахха кэлэн миигин көрсөн
барбыта. Дьокуускайга баарын, ЖКХ-ҕа начальниктыырын туһу-
нан кэпсээбитэ. Оҕолорум, уолаттарым үчүгэйдик олороллорун
иһиттэхпинэ астынабын, үөрэбин. Тиксиигэ бара сылдьан Кыня-
хыров Андрейы Булуҥ Бороҕонугар олорорун истэн, телефонун
булан эрийэ сылдьыбытым. Киһим соһуйуу бөҕө: «Манна Булуҥҥа
тугу гынаҕын?» - диир. Андрейка Курбуһахха Ньурбаттан кэлбитэ.
Онно кэлэн «Кубок чемпионов» диэн хамаанданан күрэхтэһиигэ
көппүппүт, самолеттан түһэн иһэн Андрейкаҕа дойдуҥ буоругар
үктэммиккинэн диэн эҕэрдэлээбиппин өйдүүбүн. Хайдах Булуҥ
Бороҕонугар олохсуйбута буолла, баҕар күтүөт буолуо.

22