Page 27 - Уйэ анаара тустуу сайдыытыгар

• 70 кг - Сивцев Евсей (Найахы) - 2 м.
• 70 кг үөһээ - Лыткин Коля - Кэптэни, 2 м.
Ити сыл күһүнүгэр Наум Егорович салайыытынан улахан саас-
таах уолаттарга эмиэ Дьокуускайга ДСО «Урожай» киирэн тус-
тубутум. 1975 с. саас Сыырдаахха оскуолаҕа илдьит ыыппыт этэ,
үчүгэйдик бэлэмнэнэ сырыттын, сайын бэс ыйыгар республикан-
скай күрэхтэһии буолар диэн. Мин оччолорго ат сүүрдэр этим.
Биир күн ат боруобатыгар сылдьан, улахан дьон кэпсэтэллэрин
истибитим, Наум Егорович хомолтолоохтук бу күн сириттэн суох
буолбутун.
Мантан салгыы оҕо сылдьан кылгастык да буоллар Наум Его-
ровиһы өйдөөн хаалбыт түгэннэрбин бэлиэтиибин. Кини хайдах
эрэ ис иһиттэн тахсар мичээрдээҕэ. Киһини эйэргии көрбүт күлэн
чаҕылыйар харахтааҕа. Оҕоҕо хаһан да кыыһырбат, үөрэ-көтө,
тэҥнээҕин курдук сыһыаннаһар этэ.
Онтон тустарын биир күрэхтэһиигэ көрөн турабын. 1973 с.
кыһын Сыырдаахха оройуон чемпионата буолла. Саҥа хаптаһы-
нынан үрдэтиилээх ыскамыайка оҥорбуттара. Син үрдүк саала этэ
да, кэнники дьон олох саала үрдүгэр тиийэр гына оҥорбут этилэр.
Дьэ онно көрбүтүм Уус Алдан ааттаах-суоллаах тустууктарын
уонна кинилэргэ курдаттыы таттарбытым. Аан бастаан онно
көрбүтүм саха дьоно тустууга хайдах курдук сүгүрүйэллэрин.
Ол күннэргэ дьон наар кэпсэтиилэрэ эрэ тустуу буолбутун, ким
хайдах бырахпытын, төһө күүстээҕин уустаан-ураннаан, эбэн-
сабан кэпсииллэрин болҕойон истэр буоларбыт.
Саалаҕа киһи ханан да баппат симсиитэ буолбута. Хата, биһиги
хайдах киирбиппит эбитэ буолла, маат кытыытыгар олорон эрэ
тустууну көрбүппүт. Сороҕор таблоҕа очко ыйааччы буолан олорон,
тустууга аралдьыйан, түн-таҥ очкону көрдөрөн, көрөөччүлэртэн
мөҕүллэрбитин, ыһыы-хаһыы буоларын өйдүүбүн. Тустууну оччо
билэллэрэ, сүгүрүйэллэрэ. Атын нэһилиэктэртэн дьон бөҕө кэл-
бит этэ, бары үөрбүт-көппүт сирэйдээхтэрэ.
Наум Егорович тустарын онно көрбүтүм. Сүрдээх үчүгэйдик
мельница диэн албаһы оҥорор этэ уонна атахха киирэн баран

25