Page 48 - Уйэ анаара тустуу сайдыытыгар

баҕайытык долгулдьуйа үүнэрэ. Чугас
алаастарга отчуттар кэлэн чуҥкуйан
турбут айылҕа сэргэхсийэ түһэрэ.
Күнү быһа тэһийбэккэ отчуттары
көрө киирэрим. Оо, онно оҕус сиэтэр
уолаттары Науму, Гришаны, Кастро-
мин Баасканы, Винокуров Ваняны
оҕуска ыстанан тахсалларын сөҕө-
махтайа көрөрүм. Тулагы диэн хара-
маҥан өҥнөөх үрдүк баҕайы оҕустар
этилэр. Онтон оскуолаҕа киирэн
баран өрөбүл аайы бииргэ барарбыт.
Кинилэр түргэн хамыыларыгар кыралар сүүрүүнэн сылдьарбыт.
Бөһүөлэк илин өттүгэр Окоемов Сэмэн Мэхээлэйэбистээх
биһигини кытта ыаллыы олороллоро.
Күн-дьыл ааһан, олох тупсан биһиги Сахабыт сиригэр араас
спорт көрүҥнэрэ, ону тэҥэ тустуу сайдан барбыта. Оскуола уолат-
тар бары, саха тустуук буолуохтаах диэн, тустуунан үлүһүйбүттэрэ.
Онно Наум айылҕаттан айдарылааҕа көстөн уонна утумнаахтык
дьарыктанан оскуола оҕолоругар оройуоҥҥа бастыыр буолбута.
Манна биир түгэни санаан кэллим. Мин эмиэ уолаттары кытта
көҕүйсэн тустуу куруһуогар кэллим. Ол күн Наум уонна Местников
Куоста эрэ бааллара уонна мин буоллум. Киэһэни быһа дьонум
миэхэ сатыыр албастарын барытын оҥорон, хардары-таары быра-
ҕаттаатылар. Хатыҥыр баҕайы киһини түөрт маат таһыгар сотору-
сотору талыр гына түһэрэллэр. Онон тустуук буолан бүттүм.
Боксаҕа киирдим да, онно Винокуров Миша уонна Пестряков Коля
(Газик) баар буолан табыйдылар. Хайдах куота сылдьыахпыный
диэн уонна куттаҕас диэхтэрэ диэн санааттан өсөһөн сырыттым.
Оскуола кэниттэн Наум Дьокуускайга педучилищены, мин
Хабаровскайга физкультура институтун бүтэрэммит, Наум
Егорович, Алексей Николаевич буолан оскуолабытыгар ананан
үлэбитин саҕалаабыппыт. Наум оччолорго республикаҕа биллэр

46