Page 49 - Уйэ анаара тустуу сайдыытыгар

бастыҥ тустууктар ахсааннарыгар киирэн сылдьар кэмэ.
Интернат оскуолаҕа Бороҕоннооҕу спортивнай оскуола тустууга
филиалын тренеринэн, мин физкультура учууталынан үлэлиибит.
Учууталбыт Егор Егорович Аммосов саламтатынан үлэлиирбит.
Биирдэ да мөҕүллүбэккэ наһаа холкутук үлэлээн испиппит.
Тустууга оҕо бөҕө сылдьара. Хайыһарга баҕалаах аҕыйах буолан
мин ымсыыра көрөрүм.
Ол Курбуһах дьонугар кутурҕаннаах ыар сыл сааһыгар, үгэс
буолбут оскуола оҕолорун саһаан эрбээһинигэр, Наум биһикки мае
охторбуппут. Сарсыардаттан биэс-алта чааска диэри дружбанан
эрбээн суулларарбыт. Бастаан сатаабат буолан бытаан уонна
сылайар этибит. Сотору илиибит-атахпыт баран, син маспытын
бэлэмнээбиппит. Ол республикаҕа спартакиадалаах сыл буолан
Наум күүскэ эрчиллэ сылдьара. Сарсыарда тахсарбытыгар уонна
киэһэ төннүүгэ сүүрүүнэн сылдьарбыт. Онно киһим бастыыра.
Сынньалаҥмытыгар киһим көрдөһөн албастарын чочуйара,
онно мин чучела буоларым. Сороҕор: «Мин маннык гыннахпына
күүскэ утарылаһаар уонна маннык гынаар», - диирэ, оччоҕо төһө
кыалларынан толоро сатыырым. Киһим тустуох эбиккин диэн
киһиргэтэрэ, ол аайы туох баарбынан барчалаан көрөрүм да өр
буолбакка түҥнэстэрим. Ол сыл ыйааһын түһэрбэккэ киирсэргэ
былааннанара. Салгыы сборга сылдьыбыта. «Олох үчүгэйбин,
киирсэр инибин», - диэн эрэл саналаах сылдьан бу орто дойду
олоҕуттан барбыта. Ити кылгас олоҕор спорка ситиһиитинэн,
дьоҥҥо сыһыанынан, эйэҕэс майгытынан нэһилиэгин дьонугар
убаастанан испитэ. Курбуһах биир бастыҥ ыччата ити курдук
кылгас олохтоммута. Биһиги көлүөнэ киэн туттар киһибит
өйбүтүгэр-санаабытыгар эрэ хаалан сылдьар.

Пестряков Алексей Николаевич,
улэ уонна спорт ветерана

47