Page 50 - Уйэ анаара тустуу сайдыытыгар

Тустууга угуйбута

Мин 1973 с. күһүн Чурапчытааҕы
СПТУ-ну бүтэрэн, суоппар идэтин ылан
кэлбитим. Ити сыл Курбуһахха тустуу
филиала аһыллан тренеринэн Наум
Егорович Ермолаев үлэлии сылдьар этэ.
Кини миигин биирдэ көрсөн күрэх-
тэһиигэ ыҥырбыта. Бэйдиҥэ, Сыыр-
даах, Курбуһах отделениеларын икки
ардыгар табаарыстыы көрсүһүүгэ тус­
тууга илдьэ барбыта. Онно мин бас-
таабытым. Онтон ыла филиалга дьа-
рыктана барбытым. Филиалга интернат
оскуола оҕолоро уонна элбэх олохтоох оҕолор тустуунан
дьарыктаммыттара. Наум Егорович 1975 с. диэри үлэлээбитэ. Ити
кылгас кэмҥэ кини үчүгэйдик үлэлээбитэ, оҕолоро оройуоҥҥа
бастыыр, республикаҕа миэстэлэһэр этилэр, улахан дьон күрэх-
тэһиитигэр сопхуос оробуочайдарын дьарыктаан сопхуос, оройуон
күрэхтэһиилэригэр куһаҕана суохтук кыттар этибит. Оройуон
сүүмэрдэммит хамаандатын кини дьарыктаан, өрөспүүбүлүкэ
күрэхтэһиилэригэр илдьэ барар этэ. Республика киин зонатын
«Урожайыгар» миэстэлэһэр этибит. Кини олохтон эрдэ туораа-
батаҕа буоллар элбэҕи оҥоруо хааллаҕа. Наум дьону түмэр, салайар
дьоҕурдаах этэ.
1975 с. күһүнүгэр тренеринэн Н.Н. Рожин ананан кэлбитэ.
Ити кэмнэргэ кини 74 кг республикаҕа бастакы номерынан туста
сылдьар трненер этэ. Николай Николаевич үлэлээбит түөрт сылы-
гар элбэх оҕону дьарыктаабыта. Олор истэригэр Алексей Ларионов,
Коля Михайлов, бырааттыы Андрей, Герман Христофоровтар, Петр
Дьяконов, Витя Томскай, Иннокентий Бурнашев республикаҕа,
республика таһыгар даҕаны ситиһиилээхтик тустубуттара.
Н.Н. Рожины кытта биир кэмҥэ эдэр саҥа үөрэҕин бүтэрбит

48