Page 2 - Сырдык ааккар сугуруйэбит
P. 2
Идёт война, священная война...
Советскай норуот фашисткай Германияны Аҕа дойду
улуу сэриитигэр кыайбыта быйыл лоп курдук 75 сылын
туолар. Аны 25 сылынан 100 сылын бэлиэтиэхтэрэ биһиги
оҕолорбут, сиэннэрбит. Сыл, хонук илим хотоҕоһунуу
устан истэҕин аайы биһиги аҕаларбыт, ийэлэрбит хаан
тохтуулаах, тоҥуулаах-хатыылаах, аччыктааһыннаах,
олоҕу толук ууруулаах аҕалбыт Улуу Кыайыылара
умнуллан хаалбатар хайдах, кыра да өйдөбүлү хаалларбыт
киһи диэн маннык ахтыылары, кэриэстэбиллэри оноро
сатыыбыт.
Мин аҕам Ш елковников М ихаил М ихайлович уонна кини
бииргэ төрөөбүт убайдарын, эдьиийдэрин туһунан туту
саныырбынан, өйдүүрбүнэн сурукка киллэрэ сатаатым.
Биһиги аҕабыт 1971 сыллаахха соһумардык ыалдьан,
баара-суоҕа 47 сааһыгар күн сириттэн күрэммитэ. Ол да
буоллар кэннигэр хаалларбыт элбэх ыччата кини олоҕун
салгыыллар, кининэн киэн тутталлар. Аҕабыт (оччолорш
биһиги кыра да этибит) сэрии туһунан биһиэхэ туту да
кэпсээбэт этэ. Мин санаабар, ол сэрии ыар тыына кинилэр
сүрэхтэригэр-быардарыгар оспот баас буола сылдьара
буолуо. Кэлин тыыннаах хаалбыттар күн-дьыл ыраатыыта
арыыйда сүрэхтэрин баастарын оһорунан, кэпсиир
буолбуттара буолуо дии саныыбын.
М антан кэлэр ахтыыларга убайым Ш елковников К.Е.
2016 сыллаахха таһаартарбыт ахтыыларыттан туһанным
уонна Дүпсүн орто оскуолатыгар учууталлаабыт тыыл
ветерана Сивцев В.Ф. биһиги дьоннорбутуттан хомуйан
”М үрү саһарҕата" хаһыакка таһаартарбыт ыстатыйатын
туһанан бэлэмнээтим.
