Page 21 - Сырдык ааккар сугуруйэбит

Шелковникова Александра Михайловна

(1921-1985)

Биһиги ийэбит Шелковникова Александра
Михайловна Чэриктэйтэн төрүттээх тоҕус

оҕолоох Шелковников Михаил Петрович
уонна Новгородова Фекла Прокопьевна диэн
ыалга ахсыс оҕонон күн сирин көрбүтэ.

Ийэм Александра Михайловна улахан

убайа Дмитрий Михайловичтыын уонна
эдьиийэ Дария Михайловналыын сэрии
кэмигэр тыылга үлэлээн, оччотооҕу сут-

кураан кэмнэ тыа сирин ыарахан үлэтин
үлэлээбит дьон буолаллар.

Ийэбит Бороҕоҥҥо улахан убайыгар, промкомбинакка үлэлиир
Миитэрэйгэ олорон эрэн МТС-ка тырахтарыыстар куурустарыгар

үөрэнэн, сэриигэ барбыт эр дьону солбуйан, эр киһи үлэтин
толорон түүннэри-күннэри уочаратынан сылдьан, утуйар ууларын

умнан бэйэлэрин харыстаммакка, тымныыга тоҥон, итиигэ буһан,

барыта фронт туһугар, барыта кыайыы туһугар диэн күүстээх
санаанан үлэлээбит тракторист кыргыттартан биирдэстэрэ буолар.

Сэрии кэнниттэн биһиги аҕабытын Василий Винокуровы

көрсөн, ыал буолан Курбуһах нэһилиэгин уһук учаастагар
Балаҕаннаахха көһөн тахсан үтүө суобастаахтык, бочуоттаах

сынньалаҥна тахсыар диэри колхозка, совхозка ыанньыксытынан

үлэлиир. Куруутун ситиһиилээхтик инники күөҥҥэ сылдьарын
оройуон хаһыатыгар, бэлиэ күннэргэ, соц.куоталаһыыларга ылбыт

хайҕал грамоталара кэрэһэлииллэр. Ол курдук Ирина Олесова

аатынан бириэмийэ лауреатъш аатын бастакынан ылбыта,
ситиһиилээх үлэтин иһин ВДНХ-ҕа барар путевканан, элбэх эбии

төлөбүр диэн ньирэйинэн наҕараадаламмыта. Ийэбит үтүө аатынан
киэн туттабыт, ахтабыт, сыаналыыбыт кини биэс

оҕолоро,сиэннэрэ, хос сиэннэрэ.