Page 19 - Сырдык ааккар сугуруйэбит

Шелковников Прокопий Михайлович

(1919-1942)

Биэккэ Мэхээс уолаттара кырдьыга даҕаны

бары күүстээх, кытыгырас дьонунан
биллибиттэрэ. Кинилэртэн Борокуоппай өссө

ордук чорбойор, баһыйар чинчилээҕэ. Сытыы-
хотуу, билиэн-көрүөн баҕалаах уол 1935

сыллаахха Чэриктэй, ол кэннэ Дүпсүн сэттэ
кылаастаах оскуолатын бүтэрэр, онтон салгыы
Дьокуускай куоракка киирэн фельдшерскай

оскуолаҕа киирэр.

Биэлсэр буолар ыра санаата кыайан туолбатаҕа, үһүс кууруска
үөрэнэ сырыттаҕына кырыыстаах Аҕа дойду сэриитэ саҕаланар.

Борокуоппай сэрии саҕаланаатын кытары тылланан фроҥҥа барар,
хомойуох иһин 1942 сыллаахха өлбүтүн туһунан хара сурук кэлэр. Алта
уолун сэриигэ атаарбыт аҕалара оҕонньор аһара айманарын иһин ол

хара суругу кистээн кэбиспиттэр, кэлин ол сурук сүтэн хаалбыт.

“Өйдөбүнньүк” кинигэҕэ көстөрүнэн КИНИ тоҕо эрэ иккитэ
ахтыллыбыт. Бастакыта Шелковников Прокопий Михайлович, хайыһар
батальонугар сэриилэспит, 1942 сыллаахха өлбүт, Ленинградскай

оройуон Верппша дэриэбинэтигэр көмүллүбүт диэн, иккиһэ эмиэ
ситинник ааттаах киһи Новгородскай уобалас Парфинскай оройуонун

Вередейка дэриэбинэтигэр көмүллүбүт. Иккиэннэрин даннайа
бэйэ-бэйэлэригэр сөп түбэһэр. Фронтан суруйбут суруктара дьонугар

кэлитэлээбитгэр эбит. Баара эрэ сүүрбэ биир сааһыгар сылдьан
Борокуоппай Ийэ дойдутун көмүскэлигэр хаарыан тыынын толук

уурбут. Хомойуох иһин кини кэргэннэммэтэх, аатын ааттатар киһи
кэннигэр хаалбатах. Убайа Дьөгүөссэ сэрииттэн эргиллэн кэлбитигэр

ийэлэрэ Сүөкүлэ маннык кэпсээбит: “Аҕаҕыт эһигини атаартаан баран
буорайа сырытта. Мөҕүтэлээн-этитэлээн, аттыгар сылдьаргыт курдук,

бэйэтэ- бэйэтин кытга кэпсэтэр. Боруонньатын туһунан манньпс этэр:
“Ити Борокуоппай уол олус да баһымах барыылаах киһи буолбут,

сэрэнэр диэни билбэт”- диэн... Үс уола ыараханнык да бааһырдаллар,
ойдуларыгар эргиллэн кэлбиттэрин кэннэ дьэ арыый уоскуйбут.