Page 151 - Дүпсүн сирэ

4. Дүпсүнгҥэ комсомольскай ячейка тэриллиитэ

Сэбиэскэй былаас кыайыыта үөрэҕэ суох хараҥа нэһилиэнньэ хараҕын
аспыта. Нэһилиэнньэ дьадаҥы өттө сана былаас ыытар политикатын сыыйа
өйүүр, ону ааһан, олоххо киллэрэргэ улам актыыбынайдык кыттар буолбута.
Оскуолалар аһыллыбыттара, хаһыаттар баар буолбуттара. Үгүстүк ыытыллар
мунньахтарга куруук лекциялар, дакылааттар оҥоһуллаллара. Дүпсүн улууһун
ыччатын ортотугар улахан сабыдыалы улуус үөрэхтээх ыччаттара П.Н. Гуляев,
Д.И. Стрекаловскай, П.А. Жирков-Бүөччэ оҥорбуттара.
Гуляев Петр Николаевич — П.Н. Гуляев Дүпсүн улууһугар командировкаҕа
1921 сыллаахха балаҕан ыйын 30 күнүттэн сэтинньи 20 күнүгэр диэ-
ри сылдьыбыта. Бу сылдьар кэмигэр Дүпсүн оскуолатын үрдүкү кылааһын
үөрэнээччилэрин партия уонна правительство уураахтарын олоххо киллэрэр
сыаллаах политическай уонна хаһаайыстыбаннай хампаанньаларга кытыарбы-
та. Ону таһынан Ыччат Союһун, кини сыалын-соругун, үлэтин ис хоһоонун
ыччаттарга билиһиннэрбитэ уонна Дүпсүн улууһугар комсомольскай ячейка-
ны тэрийэргэ ыҥырбыта. Кини ынырыытыгар эппиэттээн, И.Н. Жирков, С.В.
Куличкин, Е.А. Лыткин, Н.А. Соловьев, Г.П. Босиков, И.Е. Стрекаловскай,
З.В. Сыроватскай комсомолга киирэргэ суруттарбыттара. 1921 с. күһүнүгэр
бандьыыттар өрө туран, Дүпсүн улууһугар суоһаабыттарынан П.Н. Гуляев,
Дүпсүн волревкомун үлэһиттэрэ А.М. Колмогоров уонна Д.Е. Ефремов куорат-
тыырга күһэллибиттэрэ. Онтон комсомолга суруттарбыт ыччаттар баһылыыр-
көһүлүүр салалтата суох хаалан, комсомольскай ячейка боротокуолунан кыа-
йан тэриллибэккэ хаалбыта. Кэлин бокуонньук П.В. Гоголев кыһамньытынан
комсомольскай ячейка маҥнайгы тэрээһин мунньаҕын боротокуола архыып-
тан көстөн турар. Маннайгы тэрээһин мунньах председателинэн биир санаа-
нан И.Н. Жирков, секретарынан Л.З. Куркин талыллыбыттар. Мунньахха 8
киһи сылдьыбыт. Дакылааты учуутал Н.П. Бурнашев оҥорбут.
Бу мунньахха комсомолга киирэргэ хас да киһи суруттарбыт (Е.А. Лыткин
ячейка маннайгы секретарынан талыллыбыт). Дүпсүн улууһугар комсомолга
киирэргэ маҥнай суруттарбыт ыччаттар кэлин бары комсомол уонна партия
актыыбынай чилиэннэринэн буолбуттара.
Жирков Иван Николаевич 1907 с. I Өспөх нэһилиэгэр дьадаҥы-бааһынай
кэргэнигэр төрөөбүтэ. 1918 сыллаахха Дүпсүн начальнай оскуолатыгар үөрэҕин
саҕалаабыта. 1924 сыллаахха Дьокуускайдааҕы педтехникумҥа үөрэххэ киирби-
тэ. 1925 сылтан комсомол чилиэнэ, 1928 сылтан партиялаах. Комсомол гор-
комун, обкомун бюротун чилиэннэринэн талыллан үлэлээбитэ. Советскай-
партийнай оскуола учуутала, завуһа, кэлин 1931 — 1938 сс. Саха АССР үөрэҕин
наркомунан ситиһиилээхтик үлэлээбитэ. Дүпсүн улууһугар маҥнайгы коллек-
тивнай хаһаайыстыбаны («Үүнүү» холкуоһу) биир тэрийсибит, элбэх сүбэни-
аманы биэрбит, көлөһүн күнүн ааҕыы, дохуоту үллэстии маннайгы расценка-
ларын онорбут киһинэн буолар.
Куличкин Степан Васильевич 1907 с. Өнөр нэһилиэгэр Хаастаах алаас
үрдүгэр дьадаҥы-бааһынай кэргэнигэр төрөөбүтэ. Комсомол, партия актыы­
бынай чилиэнэ буолбута. Республикаҕа пионерскай тэрилтэни тэрийээччилэр-
147