Page 147 - Дүпсүн сирэ

Үһүс олук
Дүпсүн улууһун бастакы партийнай, комсомольскай тэрилтэлэрэ
1. Улуус партийнай-кандидатскай группата
Дүпсүн улууһугар советскай былаас бастакы сылларыгар улуус волревкомун
тэрийбит, салайбыт, волревкомҥа үлэлээбит биирдиилээн коммунистар баал-
лара биллэр. Партийнай архив докумуоннарынан оччотооҕу Дүпсүн партийнай
ячейкатын, эбэтэр партийнай-кандидатскай группатын туһунан анаан-минээн
үөрэтии суоҕунан быстах ахтыыларга, автобиографияларга уонна ыстатыйа-
ларга сигэнэр кыахтаахпыт. Холобур, Дүпсүн волревкомун тэрийбит губрев-
ком боломуочунайа Илья Кононович Попов, волревком бастакы председа-
телэ Иван Афанасьевич Сивцев хас сыллаахтан бассабыык партия чилиэнэ
буолбуттара биллибэт. Эмиэ ити курдук улуус волревкомун чилиэнэ, Тэбиик
нэһилиэгин ревкомун бастакы председателэ Федоров Савва Кириллович хайа
сылтан чилиэн буолбутун туһунан бэлиэ сурук суох. Дүпсүнтэн төрүттээх биир
бастакы коммунист Петр Николаевич Гуляев этэ. Кини өссө 1921 сыллаахха
БСК(б)П губкомун инструктор-тэрийээччинэн үлэлээбитэ. 1921 сыл сэтинньи-
гэ Дүпсүҥҥэ тахса сылдьыытыгар волревком председателинэн коммунистар
Колмогоров Алексей Макарович уонна волревком үлэһитинэн Д.Е.Ефремов
үлэлээбиттэр. 1925 сыллаахха ыалдьан өлбүт учуутал Петр Алексеевич Жир­
ков коммунист этэ. Кини аҕата Алексей Николаевич Жирков, аймаҕа Жир­
ков Иван эмиэ партиялаах этилэр. Сүүрбэһис сыллар бүтүүлэригэр Дүпсүн
бастакы комсомолецтарын баһыйар үгүстэрэ партия чилиэнигэр киирэн,
үөрэхтэнэн республика биллэр үлэһиттэрэ буолбуттара. Олортон аҕыйахтары
ааттаталаатахха: үөрэх наркома И.Н.Жирков, советскай-партийнай үлэһиттэр
С.В.Куличкин, Н.А.Соловьев, З.В.Сыроватскай, Е.А.Лыткин, П.В.Гоголев
уо.д.а. республика араас оройуоннарыгар партия райкомун, райсовет испол-
комун салайааччыларынан үлэлээбиттэрэ. Огтон Д.Г.Слепцов Ленинградка
үрдүк үөрэҕи бүтэрэн кэлэн баран, Уус Алданна райсовет председателинэн
1931—35 сылларга үлэлээбитэ, Босиков Гаврил Петрович эмиэ райсовет пред­
седателинэн талыллыбыта.
Өр сылларга Уус Алдан на партия райкомун секретарынан, пропаганда отде-
лын сэбиэдиссэйинэн, «ЛТ» хаһыат литсотруднигынан үлэлээбит Е.Ф.Федоров
уонна эргиэн ситимигэр уһуннук үлэлээбит И.И.Ильин Дүпсүн улууһугар
советскай былаас бастакы сылларын, холбоһуктааһын, комсомольскай, пар­
тийнай тэрилтэлэр тустарынан элбэх ахтыылары суруйан хаалларбыттара. Ки-
нилэр ахталларынан Дүпсүн улууһугар партийнай ячейка чилиэнэ сүүрбэһис
сылларга ахсаан өттүнэн аҕыйаҕынан, онон ыытыллар бары сүрүн дьаһаллар:
сир түҥэтигэ, артыаллары тэрийии, кулаактааһын, культурнай революция
комсомольскай тэрилтэ көмөтүнэн ыытыллаллар эбит.
«Ленинскэй тэрийээччи» хаһыат 1977 сыл тохсунньу 6 күнүнээҕи нүөмэригэр
Евстафий Федоров «Партийнай-кандидатскай группа салалтатынан» диэн
балачча улахан ыстатыйата бэчээттэммит. Онно 1928 сыллаахха Дүпсүн
партийнай-кандидатскай группатын үлэтин толору суруйар. Группа секре-
143