Page 149 - Дүпсүн сирэ

Казахстан н а үлэҕэ ананар. Бастаан Казахстан К(б)П Аруаа Казахстаннаацы
обкомун кадрга отделын сэбиэдиссэйинэн үлэлиир. 1938 сыллаахха олоҕо суох
буруйданан хаайыллыар диэри, Хотугу Казахстан гга партия обкомун партийнай
салайар органнар отделларын сэбиэдиссэйэ этэ. Партия обкомун уонна бюро-
тун чилиэнинэн талыллыбыта. Казахскай ССР ИДьНК дьаһалынан Казахстан
промышленнай Советын председателинэн үлэлии олорон тутуллубута. ССРС
Верховнай Суутун Байыаннай Коллегиятын 1939 сыл ыам ыйын 8 күнүнээҕи
бириигэбэринэн «революцияны утары үлэтин иһин» 15 сылга концлааҕырга уон­
на 5 сылга сыылкаҕа ууруллубута. 1940 сыл тохсунньу 3 күнүгэр концлааҕырга
өлбүтэ. ССРС Верховнай Суутун Байыаннай Коллегиятын 1963 сыл алтынньы 24
күнүнээҕи быһаарыытынан реабилитацияламмыта.
Иннокентий Сыроватскай, ж урналист

3. Бастакы председатель
Николай Романов 1924 сыллаахха 21 саастааҕа. Кини ити сайын сир
үллэһигэр чиэһинэйдик үлэлээн, нэһилиэк аҕатын ууһун сириттэн дьадаҥы
ыалларга биэриини ситиһэн, эһиилгитигэр эмиэ депутатынан үлэлээбитэ,
элбэх дьаданылары үөрдүбүтэ. Николай Романов үлэтин-хамнаһын өссө
бу бастакы сылларыгар общественнай үлэҕэ дьоҕурдааҕа биллэн, советскай
былааһы бөҕөргөтүүгэ, бастакы революционнай дьаһаллары олоххо киллэрии-
гэ бэриниилээҕэ көстөн, нэһилиэти, улууһу салайар үлэҕэ өрө таһаарыллан
испитэ. 1926—1929 сылларга бастаан II Өспөх нэһилиэгин советын председа-
телин солбуйааччынан, председателинэн, 1929—1930 сылларга Дүпсүн улууһун
исполкомун председателин солбуйааччытынан, итини кытта сэргэ үп салаатын
сэбиэдиссэйинэн үлэлээбитэ.
— Мин оройуон ситэриилээх комитетын председателинэн табаарыс Рома­
нов Николай Ивановиһы туруорабын. Кинини бары делетаттар өйүөхтэрэ диэн
эрэнэбин, — диэбитэ партия райкомун бастакы секретара Василий Иннокен­
тьевич Коркин* оройуон советтарын бастакы съеһигэр. Ону Бороҕон, Дүпсүн,
Байаҕантай улуустарыттан кэлбит бары делегаттар биир санаанан өйөөбүттэрэ.
Ити курдук Николай Иванович Уус Алдан оройуонун ситэриилээх комитетын
председателинэн быыбардаммыта. Ити аата кини бастакы председатель. Ол
1930 сыллаах кулун тутар саҥатыгар этэ.
Бу улахан ураты, тосту өҕүллүүлээх, элбэх үлэлээх уонна энпиэттээх бириэмэ
— сир үллэһигин түмүктээһин бириэмэтэ, оройуон тыатын хаһаайыстыбатын
маассабай холбоһуктааһын саҕаланыыта этэ. Бу сылларга кылаассабай охсуһуу
күүһүрбүтэ. Маннык эппиэттээх бириэмэҕэ таб. Романов, кылгастык да
үлэлээтэр, дьоҥҥо-сэргэҕэ сөбүлэтэн, совет тэрийэр-маассабай үлэтин таба
тэрийэн, оройуон хаһаайыстыбаннай, культурна!! тутуутугар элбэх үлэни
* Архыып докумуоннара көрдөрөрүнэн В.И.Коркин 1930 с. Уус Алдан оройуонун тэрийэр
комиссия председателинэн үлэлээбитэ. ССКП Уус Ашаннааҕы РК I секретардарын испииһэгэр
кини аата суох. Эмиэ ити курдук А.Ф.Бояровы — ити комиссия чилиэнин — Уус Алдан оройуонун
ситэриилээх комитетын председателэ этэ диэн суруйуу алҕас. (ред. С.И.)
145