Page 200 - Дүпсүн сирэ

Шергин Иван Иванович-Төппөс Уйбаанчыга
Наара алаас илин өттүгэр халдьаайыга дьиэ-уот туттан олорбута. Холкуос
биир бастыҥ, кыайыылаах үлэһитэ этэ. От охсоро, кэбиһэрэ. Охсор массыына-
нан сайыны быһа от оҕустарара. Ааллаах Үүҥҥэ таһаҕаска сылдьара. Сүрдээх
сытыары-сымнаҕас майгылааҕа.

Сыроватскай Илья Иванович
(1888-1969)
Илья Иванович хос аата Хаамыылаах Ылдьаа диэн этэ. Киһи барыта кинини
бу аатынан билэрэ. Аҕыйах саҥалаах, чиэһинэй, сымнаҕас, дьээбэлэннэҕинэ
уус-уран тыллаах-өстөөх, сүрдээх үлэһит киһи этэ. Кэргэнэ Маайа олус
иистэнньэҥ, элбэх кэпсээннээх, үөрэ-көтө сылдьар киһи, эдэр сааһыгар
өлбүтэ. Онон оҕолорун кыра саастарыттан бэйэтэ көрөн-истэн улаатыннар-
быта. Дьиэ ис-тас үлэтигэр сыстаҕаһа, үлэһитэ бэрт буолан, ыаллар эрдэттэн
үлэһэн дьукаах гынан олордоллоро. Илья Иванович сааһын тухары сылгыга
убаммыт киһи этэ. Кыра эрдэҕинэ баайдарга, кэлин Тэбииккэ аан бастаан 1927
сыллаахха тэриллибит «Эйэлээхтэр» ТСОЗ, «Сонун олох», «Кыһыл Муннук»,
«Энгельс», онтон бөдөҥсүйбүт «Карл Маркс», «Октябрь» холкуостарга 40 сыл
сылгыһыттаабыта. «Аҕа дойду Улуу сэриитигэр килбиэннээх үлэтин иһин» мэ-
тээлинэн, 1954 сыллаахха 100 биэттэн 101 кулуну ылан, НХСБСБ үрүҥ көмүс
мэтээлинэн наҕараадаламмыта. Сэрии иннинэ уонна сэрии саҕана Аатлаах
Үүҥҥэ хаста да таһаҕаска сылдьыбыта.
Кыыһа Мария Ильинична — орто анал үөрэхтээх ветеринар, Мүрү нэһи-
лиэгин Бочуоттаах олохтооҕо. Иннокентий Ильич — Россия журналиста-
рын, Саха Республикатын суруйааччыларын Союһун чилиэнэ, СР культура-
тын үтүөлээх үлэһитэ, Уус Алдан улууһун, Дүпсүн нэһилиэгин Бочуоттаах
олохтооҕо, «Мүрү саһарҕата» хаһыат эппиэттиир секретара. Акулина Ильи­
нична ыарыһах буолан үөрэммэтэҕэ, детсад үлэһитинэн пенсиями тахсыбыта.
Анастасия Николаевна Ушницкая

6. Бөдөҥсүйбүт «Карл Маркс» холкуос
(«Ленин», «Карл Маркс», «Энгельс»)

1951 сыллаахха үөһээ ааттаммыт бөдөнсүйбүт холкуостар холбоһон, «Карл
Маркс» аатынан бөдөнсүйбүт холкуоһу үөскэппиттэр.
Хаһаайыстыбата — 357
Нэһилиэнньэтэ — 1319
Үлэһитэ — 507
Сүөһүтүн ахсаана — 2637 төбө, о.и. ыанар ынаҕа 860
Сылгыта — 1038 төбө
Ыһыы сирэ — 672 га
Үүнүүтэ валовайынан — 1981 цн.

196