Page 256 - Дүпсүн сирэ

4. Балыксыттар биригээдэлэрин биригэдьиирдэрэ

Биригэдьиирдэр
Васильев Павел Львович
Босиков Алексей Иванович
Сивцев Лазарь Егорович — приемщик

Балыксыттар

Румянцев Федот Тимофеевич, Босиков Илья Иванович, Горохов Семен
Михайлович, Босиков Афанасий Яковлевич, Прибылых Иван Маркович, Сив­
цев Петр Иванович, Сивцева Мария Васильевна, Васильева И.М., Горохова
Анна Егоровна, Алексеев Иннокентий Петрович, Бочкарев Захар Алексеевич,
Сивцев Гаврил Платонович, Бочкарев Иннокентий Алексеевич.

Фроҥҥа балыктаабыта
Аҕам Босиков Алексей Иванович уруккунан Дүпсүн улууһун Чэриктэй
алааһыгар төрөөбүтэ. Төрөппүттэрэ эрдэ өлөннөр 5 оҕо тулаайах хаалбыттарын
эдьиийдэрэ Матырыкы эмээхсин, төһө да 7 саастааҕыттан буоспа ыарыыттан
икки хараҕа суох буоллар, көрөн-харайан дьаһайан дьон оҥортообут.
Аҕам айылҕаттан бэриллибит байанайдаах булчут этэ. Кыра куһу ыппат,
наар бөдөн ү талан бултуура. Тиргэлээн кус, туулаан балык бөҕөнү өлөрөрө,
куобахха айалаан, туһахтаан сиирэ.
Сэрии сылларын саҕана муҥхаһыт буолан армияҕа барбатаҕа, биригээдэ
тэринэн фроҥҥа балык бөҕөнү туттарбыта. Онон Алдан өрүскэ чугастааҕы
нэһилиэктэр күөллэригэр муҥхалыыра. «Биир ньоҕор балык биир немеһи
өлөрөр» диэн кытаанах сокуон, бэрээдэк баара. Онон бултаабыт бултарын тут-
таран иһэллэрэ. Мин аҕабын кытары бииргэ сылдьан балыктаһарым, Куорат-
тан, Бороҕонтон балык боломуочунайдара чаастатык сылдьаллара. Түүннэри
харанаҕа уот отуннаран баран тэҥҥэ мун халыыллара. Оччолорго Бороҕонтон
Максимов Баһылай, Оруоһун Хабырыыс диэн балык тойотторо сылдьалларын
өйдүүбүн. Алдан өрүс Тиит Арыытыгар балык уурар бадыбаал баара. Онно Сив­
цев Лааһар диэн приемщикка аҕам аах тууһаммыт балык бөҕенү туттараллара.
Ол балыгы Козлов диэн капитаннаах катер кэлэн тиэйэн барара. Аҕам кыһын
бэйэтин төрөөбүт дойдутун түөлбэтигэр муҥхалыыра. Бастаан Ампаардаах, он-
тон Табын Эбэ, Наара, Хаҥыыда диэн үчүгэй соболоох күөллэри тардара. Ити
балык бүтүннүү фроҥҥа барара. 1947 с. «1941 — 1945 сс. Аҕа дойду сэриитигэр
килбиэннээх үлэтин иһин» мэтээлинэн наҕараадаламмыт. Кэлин сааһыран,
мөлтөөн баран холкуоска, совхозка кадровай булчут буолбута, сайынын субай
сүөһүгэ бостууктуура. Андаатар үөдүйбүтүн кэннэ аҕам хото бултуура. Андаа-
тары тууга олус кэбэҕэстик киллэрэрин бэл бэйэтин кытта тэҥҥэ бултаһар
кырдьаҕастар кытта сөҕөллөрө. Дьэ итинник мындыр уус, байанайдаах булчут
аҕам оҕонньор 80 сааһыгар Дүгтсүҥҥэ олорон күн сириттэн барбыта.
А. Босиков, Найахы
252