Page 328 - Дүпсүн сирэ

ньык сүөһү биригэдьиирдэринэн Сыроватская Зоя Ивановна, Черноградскай
Иннокентий Николаевич уо.д.а. үлэлээбиттэрэ.
Мин бэйэм холкуоска, совхозка 35 сыл ыанньыксытынан үлэлээбитим.
1987 сыллаахха пенсияҕа тахсан, ол кэнниттэн 2 сыл эбии үлэлээн 1989 сылтан
тохтообутум.
Вера Петровна Атласова, улэ ветерана

Ыччат үлэ инники күөнүгэр сылдьыбыта
«Дүпсүн» совхоз комсомольскай тэрилтэтигэр Өспөх, Найахы, Чэриктэй,
Өнөр, Дүпсүн отделениеларыгар, Бээди, Остуойка биригээдэлэригэр 350 ком­
сомол чилиэнэ учуокка турара, 300 тахса 28 сааһыгар диэри саастаах ыччат-
тар бааллара. Комсомольскай цеховой тэрилтэ секретардарынан Өнөргө Петр
Петрович Протопопов, Чэриктэйгэ Галина Николаевна Бурнашева, Бээдигэ
Тамара Михайловна Свешникова, Остуойкаҕа Екатерина Дмитриевна Воей­
кова, Найахыга Мария Мухина үтүө суобастаахтык, комсомольскай үлэни
сөптөөхтүк үлэлэппиттэрэ.
Оскуола кэнниттэн икки сыл устата оскуола выпускниктара производствоҕа
үлэлиир үтүө үгэстэрэ баара. Выпускниктар төрөөбүт нэһилиэктэригэр ба­
ран ыанньыксытынан, субай сүөһүнү төлөһүтүүгэ, хонуу техника үлэлэригэр
үлэлииллэрэ. Отделениелар аайы ыччат-комсомольскай звенолара, фермалара
бааллара. Өнөр отделениетыгар Н.П.Атласов аатынан ыччат-комсомольскай
фермата үчүгэйдик үлэлиирэ. Гаврил Лукачевскай салайааччылаах «Романти­
ка» ыччат-комсомольскай звенота 1980—1981 сс. бороон орто эбиллиитин 100
кг тиэрдэн оройуоҥҥа бастаабыта. Уобаластааҕы XXX комсомольскай кон­
ференция делегатынан талыллыбыта. Өспөххө оройуон аатырбыт ыанньык-
сыта, Ленин, Үлэ Кыһыл Знамята уордьаннаах Иван Михайлович Дмитриев
ыччат-комсомольскай ферманы салайан, үүт ыаһыныгар улахан хамсааһыны
таһаарбыта, ферма үрдүнэн 2500 кг үүтү ыан өрүс сиригэр-уотугар сөҕүмэр
көрдөрүүнү ситиспитэ. Отделениелар аайы үчүгэй көрдөрүүнү ситиһэр ком-
сомолецтар бааллара. Ол курдук Найахыттан Антонина Румянцева, Христина
Гоголева, Афанасий Соловьев, Бээдиттэн Варвара Слепцова, Николай Пав­
лов, Дүпсүн отделениетыттан Андрей, Мария, Елизавета Соловьевтар, Ма­
рия Ефимова, Николай Стручков, Николай Сивцев, Чэриктэйтэн Валерий
Спиридонов, Остуойкаттан Раиса Стрекаловская уо.д.а. 1979 сыллаахха элбэх
комсомолецтар «Пятилетка ударнига» бэлиэнэн наҕараадаламмыттара. Бастын
үлэлээх тракторист уолаттар бааллара. Ол курдук Аркадий Лукачевскай Бүтүн
Россиятааҕы «Идэтинэн бастыҥ» куоталаһыыга кыайыылааҕынан тахсыбыта
уонна ССРС НХСБ боруонса мэтээлинэн наҕараадаламмыта, Данил Ушниц-
кай оройуоҥҥа бастыҥнар кэккэлэригэр сылдьара, таһаҕас таһыытыгар Ва­
лерий Спиридонов оройуон чемпион-суоппарын аатын ылбыта. Онус пяти­
летка түмүгүнэн элбэх комсомолецтар «Пятилетка эдэр гвардееһа» бэлиэнэн
наҕараадаламмыттара. Комсомольскай тэрилтэлэр көҕүлээһиннэринэн араас
биэчэрдэр, мероприятиелар, бырааһынньыктар бараллара. Ый аайы комсо-
292