Page 331 - Дүпсүн сирэ

тын тупсарыы күүскэ ирдэнэрэ. Хотоннор механизациялара лаппа тупсарыл-
лыбыта. Үлэһиттэр үлэлиир-сынньанар усулуобуйаларыгар улахан болҕомто
ууруллубута. Ол курдук Өнөр отделениетын хотонноро дэриэбинэттэн тэйич-
чи турар буоланнар үлэһиттэр киэһэ үлэ кэнниттэн эрэ дьиэлэригэр барар
этилэр. Итии аһылыкка бэртээхэй дьиэлээх этибит. Онно босхо, обществен-
най аһылык суотугар аһыыр, сынньанар этибит. Ити идеяны өссө тупсаран,
сан а директор Бочкарев Иннокентий Васильевич кэлээт да олус улахан, элбэх
хостоох бэртээхэй сүөсүһүт дьиэтин туттарбыта. Кэлин үлэлиир кэмнэрбэр
отделениеҕа хозрасчет диэн ааҕан-суоттаан үлэлиири киллэрбиттэрэ. Дьэ ман­
на үлэ ороскуота, барыһа барыта ааҕыллара. Дьон үлэтин түмүгэ костер буол-
бута, ол быһыытынан хамнастара үрдээбитэ. Үлэ көрдөрүүтэ лаппа улааппыта.
Ол түмүгэр туспа совхоз буоларга кыахтар үөскээбиттэрэ. Ити барыта Өнөр
дьонун үлэтин түмүгэ этэ. Мин кинилэри кытта бииргэ үлэлээбиппинэн ула-
ханнык астынабын.
Семен Матвеевич Новгородов

Күүспүт-кыахпыт баарынан

Мин Уус Алдан оройуонун I Өспөх нэһилиэгэр холкуостаах дьиэ кэргэни-
гэр 1938 с. төрөөбүтүм. Аҕам Жирков Егор Давыдович, ийэм Жиркова Варвара
Андреевна «Үүнүү» холкуос чилиэттэрэ этилэр. Аҕам холкуос араас үлэтигэр
уһун кэмнэ үтүө суобастаахтык үлэлээбитэ. Алта уонугар пенсияҕа тахсан да
баран үлзтин тохтоппотоҕо. Ийэм сааһын тухары ыанньыксыт этэ. Пенсияҕа
55 сааһыгар ыанньыксытынан үлэлии сылдьан тахсыбыта. 1947 с. Дүпсүн сэт-
тэ кылаастаах оскуолатыгар ман найгы кылааска үөрэнэ киирбитим, 4 кылааһы
бүтэрээт, үөрэхпиттэн тохтообутум.
1954 с. бастаан субай сүөһү көрбүтүм. Онтон 1957 сылтан бастайааннай ыан­
ньыксытынан үлэлээбитим. «Бөрөлөөх» ферматыгар старшай ыанньыксытынан
сылдьыбытым. Үлэлиир сылларбар старшай биригэдьииринэн ССКП чилиэнэ
Ховров Иван Романович үлэлээбитэ. Кини салалтатынан «Бөрөлөөх» ферматы­
гар бөҕө туруктаах коллектив тэриллибитэ. Фермабытыгар аттатыы, сэттэлии
ыанньыксыттаах буолар этибит. Фермаҕа 100-түү ыанар ынах сыһыарыллара.
Коллективка биир фуражнай ынахтан үрдүк үүтү ыырбытыгар кырата суох
кылааты киллэрсибит, олоххо, үлэҕэ мэлдьи холобур буолар үтүөкэн ыанньык-
сыттар бааллара. Холобур, Оллонова Варвара Федоровна, Стрекаловская Алек-
сандра Семеновна, Афанасьева Анна Ивановна, Жиркова Варвара Ивановна,
Бочкарева Матрена Андреевна, Горохова Наталья Николаевна, Стрекаловскай
Михаил Михайлович. Тимофеев Владислав Алексеевич, ыанньык ынах бостуу-
гунан үлэлээбит совхоз чемпион-бостууга Стручков Яков Яковлевич. Кинилэр
совхоз уопсай көрдөрүүтүгэр бэйэлэрин харыстаммат үлэлэрин түмүгэр хас
биирдии фуражнай ынахтан үүтү ыаһын сылтан сыл аайы эбиллэн испитэ. Ол
курдук 1969 с. хас биирдии фуражнай ынахтан 1800 кг үүтү ылбыппыт. Ити
көрдөрүүнү үрдэтэн, 1971 с. — 1880 кг. үүтү, 1981 с. — 2000 кг кирбиини ыл­
быппыт. 1985 с. биир фуражнай ынахтан 2200 кг ыан совхозка бастаабыппыт.
Биһиги коллективпыт сүрдээх эйэлээх, бэрээдэктээх, бэйэ-бэйэбитигэр
295