Page 329 - Дүпсүн сирэ

мольскай тэрилтэлэр уопсай мунньахтара ыытыллара. Онно араас өрүттээх
боппуруостар көрүллэллэрэ, нэдиэлэҕэ биирдэ комсомольскай политүөрэхтэр
буолаллара «Комсомольскай прожектор» чилиэттэрэ кэмиттэн кэмигэр араас
рейдэлэри ыыт&тлара, итэҕэстэри-быһаҕастары арыйаллара, ол түмүгүнэн
мунньахтар, кэпсэтиштэр ыытыллаллара.
Зоя Ивановна Сыроватская, комском секретаря
Үлэ көрдөрүүтэ лаппа үрдээбитэ

Өнөр балачча киэҥ сирдээх-уоттаах, улахан историялаах нэһилиэгинэн бил-
лэр. Арааһынай дьон-сэргэ үөскээн үгүс үһүйээннэри, номоххо киирбит кэп-
сээннэри хаалларан бардахтара. Мин Өнөрбүн 1949 сылтан үчүгэйдик билэ-
бин. Кыра холкуостар холбоһон, улам улаатан бөдөҥ производстволаах, киэн
сирдээх-уоттаах, балачча сайдыылаах холкуос буолан тигинээн-таҕынаан олор-
бут кэмнэрдээх этэ. Олох сайдан истэҕин аайы саҥаттан-саҥа структуратар тэ-
риллэн испиттэрэ. Ол быһыытынан Дүпсүҥҥэ кииннээн бөдөн' хаһаайыстыба
тэриллибитэ. Өнөр сирэ бөдөҥ учаастак буолан, үлэ-хамнас күөстүү оргуйбу-
та. Кэлин «Дүпсүн» совхоз бөдөн отделениета буолан, бары бииргэ түмсэн
үлэлээбиппит. Сана тэриллии урукку холкуостаахтарга быдан барыстаах этэ.
Сыллата уоппуска ьшар буолбуттара уонна ыйга иккитэ хамнас ылар быраап-
таммыттара. Дьэ манна кистэл буолбатах, хайдах да үлэлээбит буол — ыйдааҕы
хамнас кэлэ турара. Чааһынан төлөөһүн эмиэ баара. Ол эрээри үлэҕэ эппиэ-
тинэс, үлэ түмүктээх буоларыгар кыһаллыы киһиэхэ үксүгэр баара. Онуоха
эбии араас бэрэбиэркэлэр, хонтуруоллуур органнар, отчуоттар, мунньахтар
хара баһаам этилэр.
Мин оскуолаҕа үлэлиирим. Ол сырыттахпына, оҕо сааһым доҕоро Лыткин
Д.Е. отделениета хонуу биригэдьииринэн үлэлии кэл диэн хаайбыта. Кини
отделение управляющайа этэ. Мин анал үөрэҕим суох диэн бастаан мунаарбы-
тым, ол да буоллар чугастык ылыммытым. Дьиҥинэн биригэдьиир диэн про-
фессиональнай идэ буолбатах, көннөрү дуоһунас эрэ буоллаҕа диэн түмүккэ
кэлбитим. Дьону кытта үлэ буоллаҕа, ону мин учуутал идэлээх киһи син са-
тыахпын сөп диэн сөбүлэспитим. Данил Егорович совхоз директора Василий
Александровиһы кытта кэпсэппит эбит. Хайдах характеристикалаабытын туох
билиэ баарай. Василий Александрович мин билбэт киһим этэ. Кини Бороҕон гго
киирэн иһэн отделение хонтуоратыгар таарыйан, үлэ-хамнас туһунан управ-
ляющайы кытта кэпсэппитэ. Онно мин сана киһи эмиэ баарым. Директор
кэпсэтиитин түмүгэр: «Хайа сана киһиҥ бу дуо?» — диэн балачча кытаанахтык
ыйыппыта. Миигиттэн тугу да ыйыппатаҕа, мин салла санаабытым да онон
бүппүтэ. Дьэ ити курдук 1975 сыл алтынньы ый 7 күнүттэн партия райкомун
бюротун уурааҕынан Дүпсүн совхоз Өнөрдөөҕү отделениетыгар биригэдьиири­
нэн анаммытым. Соччо улахан дуоһунас буолбатах буолан баран, партия рай-
комунан быһаарыллар этэ. Билигин санаатахха, партия барытын дьаһайар диэн
өйдөбүлтэн эбит. Олохпут ол да иһин тосту уларыйдаҕа. Дьоммун-сэргэбин
билэр буоламмын саҥа үлэбин толорбутунан барбытым. Мин эбээһинэһим
диэн бэриллибит сорудаҕы толорторуу, онно техниканы уонна үлэһит илиини
293