Page 341 - Дүпсүн сирэ

киллэрэн туран өлөрөрбүт. Маны таһынан 800 төбө сылгы этэ государствоҕа
туттарыллара. Саһылы, чааһынай сибиинньэни, кууруссаны, барыта 15 тыһ.
төбө сүөһүнү кыстатыы соруга турара. Сүөһүнү, кыылы иитии, аһылыгынан,
бары атын усулуобуйатын, эмигэр-томугар, санитариятыгар, ууһатыытыгар,
ылыллар бородууксуйатын үрдэтиигэ тиийэ элбэх киһи, улахан коллектив сы-
ралаах, түмсүүлээх үлэтин эрэйэрэ.
Аһылык тиийбэтин айдаана, сыллата кыһарҕаннаах кыстыктар субуруччу
кэлитэлээннэр, сүөһүнэн дьарыгыран олорор саха дьонун, ол иһигэр биһигини
улаханнык илиһиннэрбитэ. Эбии аһылык бэлэмигэр: дулҕа, былыык, ходуул,
талах, лабыкта, мутукча, ас тобоҕо, гидропон, микробрикет, ЗЦМ, саратовскай
закваска, витаминизациялааһын, көөнньөрбө көрүҥнэрэ, тканевай препарат-
тар, ПАБК үксэ сүөһү иитиитин специалистарын күүстэринэн, дьаһалларынан,
хонтуруолларынан, былааннаах эбии үлэ быһыытынан ыытыллаллара,
нэһилиэнньэ бары араҥата оскуолалар, тэрилтэлэр, шефтээхтэр субуотунньук
күүһүнэн көмөлөрө лаппа улахана, бу ыарахан кыстыктартан туора турбут суох
буолара.
Шефтээх тэрилтэлэрбит, чуолаан ЛОРП, ЛБУП, Дьокуускайдааҕы уу суолун
техучаастагын салайааччылара, үлэһиттэрэ, «Якутмелиоводстрой» мехколон-
ната, сельэнерго, межхолкуосстрой управлениелара, биирдиилээн салайаач­
чылара, сельхозтехника, Совмин УКС уо.д.а. тэрилтэлэр салайааччыларын
кытта уопсай тылы булара. Василий Александровиһы көнөтүн, судургутун,
чиэһинэйин, принципиальнайын, уопсай дьыаланы кыһатҕа оностон сыл-
дьар салайааччы быһыытынан көрөр буоланнар тылын ылынатлара, коме наа-
да буоллаҕына олоҕо суох аккаастаабаттара. Бу ыарахан дьылларга, былыргы
Дүпсүн улууһун улахан аҥаара биир хаһаайыстыба буолан, биир уопсай интэ-
риэстэнэн, биир хочуолтан аһаан, хаһааҥҥытааҕар да түмсэн, биир тыынынан
олорбут кэмнэрэ урукку өттүгэр суоҕа, аны баар да буолара саарбах.
Дүпсүн сирин, дьонун-сэргэтин сайдыытын биир кэрэ уонна ыарахан дьыл-
лар аргыстаспыт кэмигэр совхоз директора, аныгылыы этгэххэ биэс нэһилиэк
«аҕа баһылыга» да диэтэххэ омуна суох, Готовцев Василий Александрович кур-
дук, общественнай интэриэс, үлэ, бүгүҥҥүнэн олорбот, сарсыҥҥытын өтө көрөр,
дьиҥнээх хаһаайыстыбаннай дьаһаллаах, боростуой, көнө, чиэһинэй, принци-
пиальнай, дьону билэр, сыаналыыр уонна үтүө сыһыаннаах, дьиҥнээх комму­
нист, патриот салайан олорбута биһигини бииргэ үлэлээбиттэрин астыннарар.
Уус Алдан оройуонун «Победа», «Коммунизм» холкуостарын, «Дүпсүн»
совхоз нэһилиэктэрэ хаһаайыстыба-экономика, үөрэх-культура өттүнэн бөҕөр-
гүүллэригэр улахан кылааты киллэрбит, Уус Алдан улууһа сыаналыан уонна
киэн туттуон сөптөөх биир бөдөҥ хаһаайыстыбынньык-салайааччыта Готовцев
Василий Александрович буолар.
Николай Афанасьевич Горохов, улэ, тыыл ветерана

305